គ្រាប់បែកបានផ្ទុះក្នុងកស្ថានីយរថក្រោមដីធំមួយក្នុងរាជធានី Minsk ប្រទេស Belarus
នាពេលយប់ថ្ងៃ១១ខែមេសា (តាមម៉ោងកម្ពុជា) ធ្វើឲ្យ១១នាក់បាត់បង់ជីវិតនិង ១២៦
នាក់ទៀតរងរបួស។
តាមព័ត៌មានទូរទស្សន៍ Belta របស់ Belarus បានឲ្យដឹងថា ការផ្ទុះនេះកើតឡើងនៅ
ម៉ោង៥រសៀល (ម៉ោងតំបន់) នៅស្ថានីយរថក្រោមដី Oktyabrskaya នាពេលអ្នកដំណើរ
ទើបនឹងចេញពីរថក្រោមដី នៅទីនេះ។ តាមការព្យាករ ចំនួននាក់ស្លាប់នៅតែកើនឡើង
ទៀត។ ដំបូល១ផ្នែករបស់ស្ថានីយនេះ ត្រូវរលំដោយការផ្ទុះ។
៥ម៉ោងក្រោយពីការផ្ទុះ រដ្ឋមន្ត្រី សុខភាព Vasily Zharko បានបញ្ជាក់ថាការផ្ទុះ បានធ្វើឲ្យ១១នាក់ស្លាប់ និង ១២៦នាក់រងរបួស ក្នុងនេះមាន២២នាក់រងរបួសដ៏ធ្ងន់ ជិតគ្រោះថ្នាក់។ ប្រធានាតិបតី រុស្ស៊ី Dmitry Medvedev អះអាងថានេះគឺករណី
វាយប្រហារភេរវកម្ម ហើយសន្យានឹងជួយស្វែងរកមូលហេតុ។
