ព័ត៌មានអន្តរជាតិ ៖ ក្រុមអ្នករុករក និងស្រាវជ្រាវក្រោមទឹក នៅក្នុងប្រទេស Madagascar នៃទ្វីបអាហ្រ្វិក អោយដឹងថា ពួកគេបានរកឃើញ រតនសម្បត្តិ ដែល ជា របស់ មេ ចោរសមុទ្រ ស្កត់ឡេន William Kidd ដ៏ល្បីល្បាញពី សតវត្សទី ១៧ ។
សេចក្តីរាយការណ៍ បញ្ជាក់អោយដឹងថា ដុំប្រាក់ទម្ងន់ ៥០ គ.ក ត្រូវបាននាំយកមកកាន់មាត់សមុទ្រវិញ អំឡុងថ្ងៃព្រហស្បត្តិ៍ម្សិលមិញនេះ នៃកោះ Sainte Marie ពីតំបន់បាត សមុទ្រ ដែលគេជឿថា មានរតន សម្បត្តិពីការលិចទូកនាវា Adventure Galley ។ របាយការណ៍ បន្តអោយដឹងថាដុំប្រាក់ទម្ងន់ធ្ងន់មួយនេះ ត្រូវបាននាំជូនប្រធានាធិបតី ប្រទេស Madagascar ដោយមានការប្រារព្ធឡើង នូវកម្មវិធីពិសេសមួយ។
យ៉ាងណាមិញ បេក្ខភាពអ្នកមុជ ទឹករុករក និង ស្រាវជ្រាវ អាមេរិក លោក Barry Clifford អោយដឹងថា លោកមានជំនឿជាក់ ថានៅមាននៅបណ្តារតនសម្បត្តិផ្សេងទៀត ពីការលិចនាវា មេចោរសមុទ្រខាងលើ គួររំឮកថា កាពីទែន ដែលជាមេចោរសមុទ្រ សកម្ម William Kidd ដើមឡើយ ត្រូវ អាជ្ញាធរអង់គ្លេសចាត់ អោយមានការចូលខ្លួនដោះស្រាយវិបត្តិចោរកម្មលើផ្ទៃសមុទ្ររបស់ខ្លួនតែក្រោយមកដោយសារតែអំពោះ ចោរកម្មដ៏គ្មានមេត្តានោះ ក៏នាំអោយមានការកាត់ទោសប្រហារជីវិត នៅឆ្នាំ ១៧០១ ៕
ប្រែសម្រួល ៖ កុសល
ប្រភព ៖ ប៊ីប៊ីស៊ី