ហ្វីលីពីន ទើបនឹងទទួលរងការរញ្ជួយដីមានកម្លាំង 6,2 រិចទ័រ មិនយូរប៉ុន្មានក្រោយ
មកក៏មានការរញ្ជួយដីជាបន្តបន្ទាប់ នៅភូមា និងថៃ។
តាម លោក Renato Solidum នាយកវិទ្យាស្ថានស្រាវជ្រាវភូមិសាស្រ្ត ហ្វីលីពីនឲ្យដឹង
ថា ការរញ្ជួយដីនេះ មានកម្លាំង6,2 រិចទ័រ ហើយបានកើតឡើងនៅខេត្ត
Mindoro Occidental ដែលមានចំងាយ 128គ.ម ពីរាជធានី Manila ហើយកន្លែងរញ្ជួយកណ្តាល គឺមានជម្រៅ33គ.ម។
ប្រជាពលរដ្ឋបានឲ្យដឹងថា ការរញ្ជួយដីបានធ្វើឲ្យរំជួលអាគារខ្ពស់ៗជាច្រើននៅរាជធានី
Manila ក្នុងរយៈពេលប្រហែល ៣០វិនាទី។ ប៉ុន្តែ មិនទាន់មានរបាយការណ៍ជាផ្លូវការ អំពី
ស្ថិតិនៃការខូចខាតនោះឡើយ ។ ក្រៅពីនេះ គ្មានបាតុភូពរលកយក្សនោះទេ។
កាលពីប៉ុន្មានថ្ងៃមុន បណ្តាញអ្នកឯកទេសនៃការរញ្ជួយដីរបស់ប្រទេសចិនបានឲ្យយដឹងថា
ទើបនឹងមានការរញ្ជួយដីកម្លាំង 5,2 អង្សាកើតឡើងនៅប្រទេសភូមាម្តងទៀត។ កន្លែងរញ្ជួយ
កណ្តាល មានជម្រៅ 10 គ.ម ក្នុងដី។ ប៉ុន្តែមិនទាន់មានការរាយការណ៍អំពីការខូចខាតនៅ
ឡើយ។ពត៌មានថ្មីៗ តាមទូរទស្សន៍នៅប្រទេសភូមា បានឲ្យដឹងថាចំនួនអ្នកស្លាប់ក្នុងការ
រញ្ជួយដីពីរាត្រីថ្ងៃមុន បានកើនឡើងដល់ 75 នាក់ នៅខេត្ត Tarlay. Mine Lin និង Tachileik
របស់ភូមា។ សរុបទាំងអស់មាន ផ្ទះ 244 ល្វែង វត្តសាសនាគ្រឹស្ត 14 កន្លែង និង អាគារ
រដ្ឋាភិបាល 9 ត្រូវបាក់បែក ។ រដ្ឋាភិបាល ភូមាកំពុងបង្កើនល្បឿនជួយសង្គ្រោះ។
ក្រុមអ្នកជួយសង្គ្រោះក៏ទើបនឹងបានបង្កើតឡើងនៅខេត្ត Mae Sai ដើម្បីបង្ការផលវិបាកពី
ការរញ្ជួយដី។ ប៉ុន្តែក្រុមអ្នកសង្គ្រោះមិនទាន់ទៅដល់តំបន់ដែលទទួលរងការខូចខាតជាងគេ
នៅឡើយទេដោយសារតំបន់នោះជាភូមិភាគតំបន់ព្រៃភ្នំមានផលលំបាកដល់ការធ្វើដំណើរ ៕