ព័ត៌មានអន្តរជាតិ ៖ យោងតាមការដកស្រង់អត្ថបទផ្សាយ ពីគេហទំព័រសារព័ត៌មានបរទេសapa ដែលទើបតែបានចេញផ្សាយ កាលពីប៉ុន្មានម៉ោងមុននេះ បានគូសបញ្ជាក់អោយដឹងថានៅឯទីក្រុងញ៉ូវយ៉ក សហរដ្ឋអាមេរិក កាលពីថ្ងៃអង្គារ ទី ២៤ ខែកញ្ញា ម្សិលមិញនេះ កិច្ចប្រជុំកំពូល មហាសន្និបាទអង្គការសហប្រជាជាតិ លើកទី ៦៨ បានចាប់ផ្តើមហើយ។
លើសពីនេះ ប្រភពសារព័ត៌មានដដែលបន្ថែមថា នៅក្នុងជំនួបកិច្ចប្រជុំកំពូលមួយនេះ មានមេដឹកនាំពិភពលោកជាច្រើនបានមកចូលរួម ដោយនៅក្នុងនោះ អគ្គលេខាធិការអង្គការសហប្រជាជាតិ លោក បាន គីមូន ក៏បានផ្តល់ជាកិត្តិយសក្នុងការបើកកិច្ចប្រជុំ ដោយលោកបានថ្លែងនូវសុន្ទរកថាជាកិច្ចស្វាគមន៍នូវកិច្ចប្រជុំមួយនេះ។
ជាបន្តបន្ទាប់ ក៏មានការថ្លែងសុន្ទកថា ពីសំណាក់មេដឹកនាំពិភពលោកផងដែរ ដោយនៅក្នុងនោះរួមមានដូចជា លោកប្រធានាធិបតីប្រទេសប្រេស៊ីល លោក Dilma Rousseff ប្រធានាធិបតីសហរដ្ឋអាមេរិក លោក Barack Obama , លោកប្រធានាធិបតីទូរគីលោកAbdullah Gu លោកប្រធានាធិបតីបារាំងFrancois Hollande ក៏ដូចជាមេដឹកនាំពិភពលោកមួយចំនួនផ្សេងទៀតផងដែរ។
មិនត្រឹមតែប៉ុណ្ណោះ គេក៏ឃើញមានរដ្ឋមន្រ្តីក្រសួងការបរទេស Azerbaijani លោក Elmar Mammadyaro ក៏មានវត្តមាននៅក្នុងជំនួបកិច្ចប្រជុំកំពូលលើកនេះផងដែរ។ យ៉ាងណាមិញ បើនិយាយពីរបៀបវារៈសំខាន់ៗ ដែលនឹងត្រូវលើកយកមកពិភាក្សានោះ រួមមានដូចជា ៖ វិបត្តិអាវុធគីមីស៊ីរី វិបត្តិនុយក្លេអ៊ែរប្រទេសអ៊ីរ៉ង់ជាដើម ។ល៕
* ព័ត៌មានអន្តរជាតិ ដ៏គួរអោយចាប់អារម្មណ៍ផ្សេងទៀត មាននៅខាងក្រោម ៖
- ច្រើនជាង ១ ម៉ឺន ៥ ពាន់នាក់ នាំគ្នារត់ចែកជើងគ្នា ខណៈភ្នំភ្លើងផ្ទុះ នៅទឹកដី តំបន់អាស៊ី- ៩៧ នាក់ស្លាប់ ខណៈ ៥៨ នាក់បន្តបាត់ខ្លួន ក្រោយមានការវាយប្រហារយ៉ាងដំណំ ពីសំណាក់ឃាតករ ចិត្តត្រជាក់- រកឃើញ សត្វល្អិតចម្លែកពីភពផ្សេង នៅក្នុងបរិយាកាស ភពផែនដី- នៅសល់តែជាង ៣ ពាន់លានឆ្នាំ ទៀតនោះទេ ពិភពលោក នឹងដល់ថ្ងៃអវសាន របស់ខ្លួន
ដោយ ៖ រិទ្ធីប្រភព ៖ apa