ប៉ុន្មានម៉ោងក្រោយពីការរញ្ជួយដីបង្កឱ្យមានរលកយក្សស៊ូណាមិ នៅប្រទេសជប៉ុនរួចមក
ក៏មានហេតុការផ្ទុះភ្នំភ្លើងនៅក្នុងប្រទេសឥណ្ឌូនេស៊ីកើតឡើងផងដែរ។
ភ្នំភ្លើងនោះមានឈ្មោះថា ការ៉េនរ៉េតាន់ ជាភ្នំភ្លើងដែលធ្វើសកម្មភាពខ្លាំងបំផុតនៅក្នុង
ប្រទេស ឥណ្ឌូនេស៊ីបានកម្រើកសាជាថ្មី បន្ទាប់ពីការរញ្ជួយដីនៅជប៉ុនប៉ុន្មានម៉ោង គេឃើញ
មានផ្សែងខ្មៅអួរអាប់គ្របទៅលើផ្ទៃអាកាស និងកំអែភ្នំភ្លើងហូរចុះមកតាមជើងភ្នំជាច្រើន។
លោក ប៊ូឌៀនតូ អ្នកឯកទេសស្ដីពីភ្នំភ្លើងឥណ្ឌូនេស៊ីបាន ឱ្យដឹងថា មន្ដ្រីដែលទទួលខុសត្រូវ
កំពុងជំលៀសប្រជាពលរដ្ឋដែលរស់នៅតាម ជើងភ្នំទៅកាន់កន្លែងដែលមានសុវត្ថិភាព។
មិនទាន់មានព័ត៌មានណាមួយរាយការណ៍ពីការបាត់បង់ជីវិត និងខូចខាតទ្រព្យសម្បត្ដិ
នៅឡើយ។
ភ្នំភ្លើងការ៉េនរ៉េតាន់កម្ពស់ 1794ម៉ែត្រកាលពី ខែសីហា ឆ្នាំ2010 កន្លងទៅបានសំលាប់
មនុស្ស 4នាក់រួចមកហើយ ។
ឥណ្ឌូនេស៊ីជាប្រទេសប្រជុំទៅដោយកោះច្រើនជាងគេបំផុត ហើយស្ថិតនៅលើខ្សែបន្ទាត់
អេក្វាទ័រ ងាយនឹងទទួលរងនូវការរញ្ជួយដី និងភ្នំភ្លើង ដូចជាប្រទេសជប៉ុនដែរ។
ការ កម្រើកនៃភ្នំភ្លើងលើកនេះកើតឡើងប៉ុន្មានម៉ោងក្រោយពីការរញ្ជួយដី នៅភាគឦសាន
ប្រទេសជប៉ុន បង្កឱ្យមានរលកយក្សស៊ូណាមិ កើតឡើងនៅលើមហាសមុទ្រប៉ាស៊ីហ្វិក។
ពលរដ្ឋឥណ្ឌូនេស៊ីរាប់ពាន់ គ្រួសារដែលរស់នៅតាមបណ្ដោយឆ្នេរ សមុទ្រក៏ត្រូវជំលៀសខ្លួន
ជាបន្ដបន្ទាប់ទៅកាន់តំបន់មានសុវត្ថិភាព ខ្លាចមានរលកយក្សស៊ូណាមិកើតឡើង។
កាលពីឆ្នាំ 2004 ឥណ្ឌូនេស៊ីជាប្រទេសដែលរងគ្រោះ ធ្ងន់ជាងគេបំផុតដោយរលកយក្ស
ស៊ូណាមិ បណ្ដាលអោយមនុស្ស 22០.០០០នាក់បាត់បង់ជីវិត៕