ព័ត៌មានអន្តរជាតិ ៖ ក្រុមឧទ្ទាមរដ្ឋអ៊ីស្លាមជ្រុលនិយម ISIS បានចេញផ្សាយរូបភាព អះអាងឲ្យដឹងពី ការសម្លាប់ ចារបុរស ៣ នាក់ ពីក្រុមកងកម្លាំងពិសេស ប្រទេសល៊ីប៊ី ដោយសមាជិករបស់ខ្លួន ដែល ជាសកម្មប្រយុទ្ធ ISIS កំពុងតែពិការភាពនៅឡើយ ។
តាមរយៈរូបភាព ពិតជាបានបង្ហាញជាក់ស្តែង សកម្មប្រយុទ្ធ ISIS ដែលពិការនោះ បានសម្លាប់ក្រុម ចារបុរស ដោយដាក់ឆ្កាងទៅនឹងឈើឆ្កាង នៅភាគកណ្តាលប្រទេសល៊ីប៊ី ពោល តំបន់ Sirte អំឡុង ថ្ងៃអង្គារកន្លងទៅនេះ។ សេចក្តីរាយការណ៍ បញ្ជាក់អោយដឹងថា រូបភាពសម្លាប់ ចារកម្មទាំងនោះ គឺ បានចេញផ្សាយនៅថ្ងៃតែមួយ រដ្ឋមន្រ្តីការបរទែស សហរដ្ឋអាមេរិក លោក John Kerry កំពុងតែធ្វើ សន្និសិទសារព័ត៌មានអំឡុងកិច្ចប្រជុំកំពូល មេដឹកនាំលោកខាងលិច នាទីក្រុង Rome គូសបញ្ជាក់ ពីចំណាត់ការជាក់ស្តែង ប្រឆាំង ISIS នៅក្នុងប្រទេសល៊ីប៊ី ។
ប្រភពឲ្យដឹងថា សន្លឹករូបថតមួយសន្លឹកក្នុងចំណោមរូបថត ៣សន្លឹកបង្ហាញស្តែងៗឲ្យដឹងពីរូបភាព សកម្មប្រយុទ្ធ ISIS មួយរូប ដែលពិការភាព កំពុងអង្គុយនៅលើកៅអីរុញ ជិតទៅនឹងបុរសម្នាក់ ស្ថិត នៅក្នុងឈុតសម្លៀកបំពាក់ពណ៌ទឹកក្រូច ដែលអង្គុយលុតជង្គង់ រង់ចាំតែការសម្លាប់ រួចចងឆ្កាងទៅ នឹងឈើឆ្កាង ដូចទៅនឹង បុរស ២ នាក់ផ្សេងទៀតដែលបានសម្លាប់រួចទៅហើយ និងចងឆ្កាងរួចទៅ ហើយ ដែលអាចមើលឃើញជាក់ស្តែងតាមរយៈសន្លឹករូបថត ២ សន្លឹក ទៀត ជនរងគ្រោះ ទាំង ៣ នាក់ ISIS ចោទប្រកាន់ថា ជាក្រុមចារកម្ម ៕
ប្រែសម្រួល ៖ កុសល
ប្រភព ៖ ដេលីម៉ែល