អង់គ្លេស៖ តាមការអោយដឹងពីគេហទំព័រដេលីមែល ដែលបានចុះផ្សាយកាលពីពេលថ្មីៗនេះថា មានក្រុមក្មេងទំនើងមួយក្រុម ដែលមានអាយុចន្លោះពី ១៩-២០ឆ្នាំ បានវាយគ្នាយ៉ាងសាហាវ នៅលើរថភ្លើងមួយ ខណៈដែលគេបានធ្វើដំណើររួមគ្នា។
ប្រភពដដែល បានអោយដឹងថា រឿងរ៉ាងនេះ បានកើតឡើង នៅក្នុងទីក្រុង New Addingtonប៉ែកខាងត្បូង ទីក្រុង London ខណៈដែលពួកគេគ្រាន់តែទាស់ពាក្យសម្ដីគ្នាបន្ដិចនៅលើរថភ្លើងសោះ ស្រាប់តែពួកគេ ក៏បានដកដំបូងខ្លី និងអ្នកខ្លះ បានដកកូនកាំបិតខ្លីពីក្នុងវ៉ាលីរបស់គេ ហើយកាប់ចាក់គ្នាយ៉ាងអាណាធិបតេយ្យ។
ទោះបីជាយ៉ាងណាក៏ដោយ ក៏មានអ្នករងរបួសធ្ងន់ពីរនាក់ផងដែរ ក្នុងការប្រយុទ្ធគ្នានេះ ដែលម្នាក់ គឺមានឈ្មោះ Kieran Hawker មានវ័យ ១៨ឆ្នាំ មានស្រុកកំណើតនៅ Thornton Heath និងម្នាក់ទៀត ឈ្មោះ Robert Elsey វ័យ ១៩ឆ្នាំ មានស្រុកកំណើតនៅ Streamtham ។
ជាមួយគ្នានេះផងដែរ លោក Shani Barnes ចៅក្រមក្នុងទីក្រុង New Addington បានអោយដឹងថា រយៈពេលថ្មីៗនេះ នៅប៉ែកខាងត្បូងនៃទីក្រុង London គឺតែងតែមានក្រុមក្មេងទំនើង ជាច្រើន តែងតែឈ្លោះប្រកែកគ្នា ដូចសត្វធាតុ ដែលនេះ ក្នុងប្រទេសអង់គ្លេស មិនធ្លាប់មានទេពីមុនមក។ យ៉ាងណាក៏ដោយ ការប្រយុទ្វគ្នានេះ ក៏មានក្មេងទំនើង ៤នាក់ ត្រូវបានតុលាការកាត់សេចក្ដីអោយពួកគេ ចាប់គុកម្នាក់ៗច្រើនជាងមួយឆ្នាំដែរ។ នេះជាវីដេអូក្លីប សូមចុចដើម្បី មើល។
ដោយ៖ ណារិន្ទប្រភព៖ dailymail