Nokia នៅតែជាក្រុមហ៊ុនផលិតល្បីឈ្មោះ ជាមួយស៊េរីផលិតផលប្រើប្រាស់ ប្រព័ន្ធប្រតិបត្តិការWindow Phone 8 រួមជាមួយសមត្ថភាពផលិត Hardware របស់ខ្លួន។ ក្រុមហ៊ុនផលិតហ្វាំងឡង់កំពុងតែសហការគ្នាបានយ៉ាងស្អិតរមួត និងស៊ីចង្វាក់គ្នាជាមួយ Microsoft ដែលបង្កើតបានជាស៊េរីស្មាតហ្វូន Nokia Lumia ដែលទទួលការចាប់អារម្មណ៍យ៉ាងច្រើន រាប់លាននាក់ទូទាំងពិភពលោក។ ប៉ុន្តែ តើវានឹងទៅជាយ៉ាងណាទៅ បើសិនជា Nokia ផលិតស៊េរីស្មាតហ្វូន ប្រើប្រព័ន្ធប្រតិបត្តិការ Android នោះ?
ថ្មីៗនេះ អ្នករចនាម៉ូតក្រាហ្វិក Bob Freking បានឆ្លើយតបទៅនឹងសំនួរខាងលើ ដោយបង្ហាញនូវផលិតផលមួយ មានឈ្មោះថា Nokia Paragon។ វាគឺជាស្មាតហ្វូន Nokia មួយដែលប្រើប្រ-ព័ន្ធប្រតិបត្តិការ Android ជាមួយ Interface Nokia។ ស្មាតហ្វូននេះ មានរូបសណ្ឋាន Hardwareរួមជាមួយ Features ដែលមនុស្សជាច្រើនស្រមៃចង់បាន ដូចជា ថ្មប្រើបាន ៣ថ្ងៃ Chip Quad Core, កាមេរ៉ា ថតរូបបានច្បាស់ល្អ ដូចបណ្តាស៊េរីស្មាតហ្វូន Lumia បច្ចុប្បន្ន ជាដើម។
Nokia Paragon Version Concept របស់ អ្នករចនាម៉ូតក្រាហ្វិក Bob Freking
Concept ស្មាតហ្វូននេះ បំពាក់នូវអេក្រង់ AMOLED ទំហំ 4,5 inch ជាមួយបច្ចេកវិទ្យា PureMotionHD+ កំរិតពន្លឺ fullHD។ ក្រៅពីនេះ Nokia Paragon បំពាក់នូវ Chip Quad Core Snapdragon 800 ជាមួយល្បឿន 1,8GHz, GPU Adreno 330, RAM 2 GB និងកាមេរ៉ា PureView 21 MP ជាមួយសមត្ថភាព Zoom , ការពារភាពរំញ័រ រួមជាមួយគុណភាពរូបភាពដ៏ល្អអស្ចារ្យ ក្នុងលក្ខខណ្ឌខ្វះពន្លឺ។ វាមានកាមេរ៉ាមុខទំហំ 1,3 MP ជាមួយសមត្ថភាពថតវីដេអូ 720p សំរាប់ Video Call។ អ្វីដែលចម្លែកនៅទីនេះគឺ Nokia Paragon មិនបានប្រើប្រព័ន្ធប្រតិបត្តិការ Window Phone ទេ វាបែរជាប្រើប្រព័ន្ធប្រតិបត្តិការ Android 4.2.1 ទៅវិញ។
តើ Nokia ប្រើ Android ស្អាតប្លែកភ្នែកយ៉ាងណានោះ តោះ ! ចុចទស្សនាវីដេអូ Nokia Paragon Version Concept ខាងក្រោមនេះទាំងអស់គ្នាណា ៖
ដោយ៖ សិលាប្រភព៖ K14