តាមគេហទំព័រនៃហាងលក់ទូរស័ព្ទដៃហាក់សែនៅរសៀលថ្ងៃនេះ យើងសង្កេតឃើញថា តំលៃរបស់ iPhone 5 ទំហំ16 GB ត្រូវបានធ្លាក់ថ្លៃយ៉ាងច្រើន ក្នុងរយះពេលមិនដល់មួយសប្តាហ៍ផង។
កាលពីថ្ងៃទី២២/៩/២០១២ ដែលទើបតែកន្លងទៅនេះ iPhone 5 បានមានវត្តមាននៅលើទីផ្សារប្រទេសកម្ពុជា នៅតាមហាងលក់ទូរស័ព្ទមួយចំនួន ដែលក្នុងនោះក៏មានហាងលក់ទូរស័ព្ទដៃហាក់សែ ផងដែរ។ បើតាមការសង្កេតនៅថ្ងៃនោះ iPhone 5 16 GB ត្រូវបានហាងលក់ទូរស័ព្ទដៃហាក់សែ ដាក់លក់ក្នុងតំលៃដល់ជាង ១២០០ ដុល្លារឯណោះ។ ប៉ុន្តែសំរាប់នៅរសៀលថ្ងៃនេះ តំលៃលក់នៅលើគេហទំព័រហាក់សែ គឺនៅសល់ត្រឹមតែ ៩៩០ ដុល្លារប៉ុណ្ណោះ។ តាមរយះតំលៃនេះយើងឃើញថា សំរាប់តំលៃ iPhone 5 16 GB ត្រូវបានធ្លាក់ថ្លៃដល់ទៅជាង ២០០ ដុល្លារ ដែលជាចំនួនច្រើនមួយ បើគិតក្នុងរយះពេលមិនដល់មួយសប្តាហ៍ផងនោះ។
តារាងតំលៃលក់ iPhone 5 នៅម៉ោង៣:៣៣ នាទី រសៀលថ្ងៃទី២៧/៩/២០១២
តាមប្រភពពីគេហទំព័រមួយចំនួននៅប្រទេសវៀតណាម ក៏បានបង្ហាញឲ្យឃើញផងដែរនូវការធ្លាក់យ៉ាងច្រើននៃ iPhone 5 16 GB គឺត្រូវបានធ្លាក់ថ្លៃចន្លោះពី ១០០ ទៅ ១៥០ ដុល្លារ៕
ដោយ៖ សិលារូបភាព៖ hakse