ក្រុមហ៊ុន Samsung ទើបតែបាននាំមកនូវម៉ូដែលកុំព្យូទ័រថេប្លេតថ្មីចំនួនពីរ រួមមាន Galaxy Tab S2 8.0 និង Galaxy Tab S2 9.7។
ថេប្លេតទាំងពីរនេះ នឹងក្លាយជាផលិតផលដែលមានលទ្ធភាពខ្ពស់ក្នុងការប្រកួតប្រជែងផ្ទាល់ ជាមួយនឹង iPad Air 2 និង iPad Mini 3 របស់ Apple ដោយសារថា Galaxy Tab S2 មានរូបរាងស្ដើងជាង និងស្រាលជាងថេប្លេតរបស់ Apple។
Galaxy Tab S2 មានកម្រាស់ត្រឹមតែ 5.6 mm ខណៈ iPad Air 2 មានកម្រាស់ 6.1mm។ Galaxy Tab S2 របស់Samsung មិនត្រូវបានធ្វើឡើងអំពីលោហធាតុទាំងស្រុងនោះទេ ប៉ុន្តែជំនួសមកវិញ វាប្រើប្រាស់ស៊ុមលោហធាតុ ការពារជុំវិញម៉ាស៊ីន ចំណែកស៊ុមផ្នែកខាងក្រោយ និងខាងមុខ ធ្វើអំពីជរ័។ អំពីរចនារូបរាងវិញ Galaxy Tab S2 ហាក់មិនមានភាពខុសគ្នាប៉ុន្មាន បើប្រៀបធៀបនឹង Galaxy Tab S។
Galaxy Tab S2 ប្រើប្រាស់ប្រូសេសឺរ Exynos 5433 8 core 1.9GHz របស់ Samsung, RAM 3GB, អង្គចងចាំក្នុង 32GB/64GB និងមានរន្ធ microSD។ Tab S2 កំណែអេក្រង់ 9,7 inch ប្រើថ្ម 5,870mAh ចំណែកកំណែ 8-inch ប្រើថ្ម 4,000mAh។
តារាងប្រៀបធៀបរវាង Galaxy Tab S2 នឹង Galaxy Tab S
តម្លៃរបស់ថេប្លេតទាំងនេះ រួមមាន ៖ Galaxy Tab S2 8.0 Wi-Fi: 399 Euro Galaxy Tab S2 8.0 LTE: 469 Euro Galaxy Tab S2 9.7 Wi-Fi: 499 Euro Galaxy Tab S2 9.7 LTE: 569 Euro
ប្រែសម្រួលដោយ ៖ តារាប្រភព ៖ Connect