ថ្មីៗនេះ LG ទើបតែធ្វើការបង្ហាញណែនាំ ស្មាតហ្វូន V34 isai Beat សម្រាប់ប្រព័ន្ធទូរស័ព្ទចល័ត Au Japan របស់ជប៉ុន ជាមួយនឹងលក្ខណៈសម្បត្តិដូចគ្នាស្ទើរតែទាំងអស់នឹង LG V20 ដោយគ្រាន់តែខុសទំហំអេក្រង់ដោយបន្ថយពី 5,7 មកត្រឹម 5,2 និងថាមពលថ្មថយពី 3200 mAh មកត្រឹម 3000 mAh។
ប៉ុន្តែអ្វីដែលសំខាន់ គឺបណ្តា feature ល្អៗបំផុតរបស់ V20 នៅតែរក្សាគ្រប់ទាំងអស់ ដែលវារួមមាន អេក្រង់ចំនួនពីរ កាមេរ៉ាក្រោយពីរ DAC បួន Speaker B&O និងតំឡើងរួចជាស្រេចនូវប្រព័ន្ធដំណើរការ Android 7 ថ្មីបំផុត។ ជាពិសេសនោះ V34 កាន់តែល្អជាង V20 នៅត្រង់ចំនុចដែលវា មានសមត្ថភាពអាចការពារជម្រាបទឹកបាន (តាមស្តង់ដារ IP67)។ LG V34 នឹងមានពីរពណ៌សម្រាប់ជ្រើសរើសគឺ ពណ៌មាស និងពណ៌ខ្មៅ ហើយស្មាតហ្វូននេះនឹងចាប់ផ្តើមលក់នៅពាក់កណ្តាលខែវិច្ឆិកា ខាងមុខនេះ នៅលើទីផ្សារប្រទេសជប៉ុន។
លក្ខណៈសម្បត្តិទូទៅរបស់ LG V34 isai Beat:
- OS: Android 7.0
- Chip ដំណើរការ: Snapdragon 820, Quad Core 2.2 GHz
- អេក្រង់: 5,2 IPS, 2.560x1.440 + អេក្រង់តូចខាងមុខមួយទៀត
- RAM: 4 GB
- Camera ក្រោយ: 16 MP (29mm, F1.8) + 8 MP (12mm, F2.4), Laser AF, OIS, LED Flash
- Camera មុខ: 5 MP, F1.9
- អង្គផ្ទុកទិន្នន័យ: 32 GB
- កាតមេម៉ូរីក្រៅ: microSD
- Wi-Fi ac, BT 4.2, WiMAX 2+, 4G LTE
- ខ្នាតវិមាត្រ: 72 x 149 x 8 mm
- ទម្ងន់: 146 gram
- ថាមពលថ្ម: 3000 mAh
- iPhone 7 នឹងបង្ហាញចេញប៊ូតុង Home សិប្បនិម្មិត នៅលើអេក្រង់ បើសិនប៊ូតុង Home ពិតរបស់វា ខូចមិនដំណើរការ
ប្រែសម្រួល៖ មង្គលប្រភព៖ GSMArena, Tinhte