បន្ទាប់ពីការលេចចេញនូវរូបភាព Render មក ពេលនេះយើងអាចមើលឃើញរូបភាពជាក់ស្តែងកាន់ តែច្បាស់ជាងមុន ស្តីពីគំរូ iPhone ស៊េរីបន្ទាប់របស់ Apple។ ចំនុចគួរឲ្យកត់សម្គាល់នៃរូបភាពដែល ទើបតែលេចចេញមកនេះ គឺចង្កោមកាមេរ៉ាភ្លោះ លេចលយចេញមកក្រៅច្រើនគួរសម។ ប្រភពបាន ឲ្យដឹងថា កាមេរ៉ាភ្លោះនឹងមានតែនៅលើ iPhone 7 Plus តែប៉ុណ្ណោះ។ ទន្ទឹមនឹងនោះ ចង្កោមកាមេរ៉ា នេះ ហាក់ដូចជាលយចេញមកក្រៅច្រើនជាង កាមេរ៉ាដែលមាននៅ iPhone 6s បច្ចុប្បន្ននេះទៀត។ តាមប្រភពព័ត៌មានចចាមអារ៉ាម កាមេរ៉ាភ្លោះនេះ នឹងត្រូវបានផលិតដោយក្រុមហ៊ុន Sony ដែលមាន ទំហំ 12 MP។ ប្រភពក៏បានបន្ថែមឲ្យដឹងថា កាមេរ៉ាភ្លោះនេះ Len មានបំពាក់នូវប្រព័ន្ធទប់រំញ័រ និង Len មួយទៀត មានសមត្ថភាព Zoom ពី 2 ដល់ 3X។
ក្រៅពីនេះ នៅមានចំនុចគួរឲ្យចាប់អារម្មណ៍មួយ នោះគឺ ចំនុចចុចៗបីនៅខាងក្រោមជិតរន្ធតណភ្ជាប់ វាអាចនឹងគាំទ្របាននូវមុខងារ Smart Connector?
រីឯចំនុចផ្សេងៗទៀត គឺដូចទៅនឹងរូបភាពចចាមអារ៉ាមកាលពីមុន ដូចជា មិនមានខ្សែវ័ណ្ឌអង់តែន នៅផ្នែកខាងក្រោយ។ មិនច្បាស់ថា រូបរាងខាងមុខនៃគំរូដែលបានលេចចេញមកនេះ យ៉ាងម៉េច នោះទេ? ប៉ុន្តែបើតាមការសង្កេតជារួម iPhone ថ្មីនេះ ហាក់ដូចជាមិនមានអ្វីលេចធ្លោទៅលើការរចនា ម៉ូត បើប្រៀបនឹង iPhone ស៊េរីបច្ចុប្បន្ននោះទេ៕
រូបភាព Render ស្តីពីគំរូ iPhone ស៊េរីថ្មីពីមុន៖
- អានអត្ថបទ៖ Apple ផ្ញើលិខិតអញ្ជើញ ចូលរួមព្រឹត្តការណ៍ណែនាំផលិតថ្មី នៅថ្ងៃទី២១ ខែមីនា, iPhone SE នឹងបង្ហាញខ្លួន- អានអត្ថបទ៖ Apple កំពុងរៀបចំត្រៀមផលិត iPhone អេក្រង់ OLED 5.8 inch សម្រាប់ឆ្នាំ ២០១៨?
ប្រែសម្រួល៖ មង្គលប្រភព៖ MacRumors, Tinhte