ព្យុះត្រូពិច Goni បានធ្វើដំណើរមកក្បែរតំបន់ភាគខាងជើងហ្វីលីពីនកាលពីល្ងាចថ្ងៃទី ២១សីហា បង្កឱ្យមានភ្លៀងខ្យល់ខ្លាំងក្នុងតំបន់ ខណៈព្យុះ Atsani កំពុងឆ្ពោះមកកាន់បណ្ដាកោះរបស់ជប៉ុន។
រូបភាពព្យុះភ្លោះពីរ Atsani (ស្ដាំ) និង Goni (ឆ្វេង) នៅក្បែរគ្នា ក្នុងពេលតែមួយ ដែលត្រូវបានថតដោយផ្កាយរណប Himawari-8 របស់ជប៉ុន កាលពីថ្ងៃទី ១៩សីហា។
ព្យុះ Goni និង Atsani បង្ហាញខ្លួននៅជិតគ្នា ក្នុងមហាសមុទ្រប៉ាស៊ីហ្វិក។ ព្យុះភ្លោះនេះ កំពុងឆ្ពោះមកកាន់អាស៊ីខាងកើត។ ទិសដៅរបស់ព្យុះទាំងពីរនេះ ត្រូវបានបង្ហាញនៅលើរូបភាព។
ព្យុះ Atsani មានទំហំធំ និងខ្លាំងក្លា ប៉ុន្តែ វាស្ថិតនៅឆ្ងាយពីដីគោក បើប្រៀបធៀបនឹងព្យុះ Goni។
ព្យុះ Goni កាលពីថ្ងៃទី ១៧សីហា។ យោងតាមប្រភពពីកងទ័ពអាមេរិក ព្យុះ Goni ស្ថិតនៅចម្ងាយពីខែត្រ Okinawa ជប៉ុន ប្រមាណជា ៩៨០គីឡូម៉ែត្រ ទៅទិសនិរតី ហើយកម្លាំងខ្យល់ជាអតិបរមា ១៨៥គីឡូម៉ែត្រ/ម៉ោង កាលពីវេលាម៉ោង៥ ព្រឹក ថ្ងៃទី ២១សីហា (ម៉ោងនៅអាមេរិក)។
កាលពីថ្ងៃទី ១៩ ខែសីហា ចំនុចកណ្ដាលរបស់ព្យុះ រីកធំជាង បើប្រៀបធៀបនឹងថ្ងៃទី ១៧សីហា។ ក្រោយពីអូសកាត់ប្រទេសហ្វីលីពីន ព្យុះ Goni នឹងវាយលុកចូលដីគោកនៃតំបន់ភាគខាងជើង និងភាគខាងកើតកោះតៃវ៉ាន់ នៅចុងសប្ដាហ៍នេះ។ វាក៏អាចនឹងអូសកាត់កោះ Ryukyu របស់ជប៉ុន។
ផ្កាយរណប Himawari-8 នៃមជ្ឈមណ្ឌលអវកាស Tanegashima ក្នុងខែត្រ Kagoshima នៅភាគខាងត្បូងប្រទេសជប៉ុនថតបានចំនុចកណ្ដាលរបស់ព្យុះAtsani។
ប្រែសម្រួលដោយ ៖ តារាប្រភព ៖ weather