Huawei ទើបធ្វើការបង្ហាញណែនាំខ្លួនស្មាតហ្វូនស៊េរីថ្មីមួយរបស់ខ្លួន ដែលមានការរចនាម៉ូតយ៉ាង ស្អាត រូបរាងកោងជាងស្មាតហ្វូនណាៗទាំងអស់របស់ Huawei នោះគឺ Honor Magic។
ស្មាតហ្វូននេះមានអេក្រង់ប្រភេទ AMOLED 5.09 inch អាចបង្ហាញកម្រិតភាពច្បាស់ QHD (577ppi) និងស្រោបដោយកញ្ចក់ការពារមានរាងកោង។ Honor Magic មានកម្រាស់ 7,8mm និងមានទម្ងន់ 145g។ Huawei បានឲ្យដឹងថា ខ្លួននឹងដាក់លក់ស្មាតហ្វូននូវជម្រើសពីរពណ៌ គឺពណ៌ខ្មៅលាយមាស (Golden Black) និងពណ៌ប៉សឡែន ស (Porcelain White)។
Honor Magic បានបំពាក់មកជាមួយនូវប្រព័ន្ធកាមេរ៉ាភ្លោះ 12 MP (មួយជាកាមេរ៉ាសខ្មៅ និងមួយ ទៀត ជាកាមេរ៉ាពណ៌) ជាមួយនឹង aperture f / 2.2 (1.4μm) និងកាមេរ៉ាមុខទំហំ 8 MP។ ស្មាតហ្វូន នេះប្រើប្រព័ន្ធប្រតិបត្តិការ Android 6.0 ជាមួយ “Honor Magic Live OS”, RAM 4 GB និងមានអង្គ ផ្ទុកទិន្នន័យ 64 GB។
Huawei Honor Magic ប្រើប្រាស់ CPU 8 core Kirin 950 (ក្នុងនោះមាន 4 core Cortex A72) ប៉ុន្តែ មាន chip ក្រាហ្វិករាងអន់បន្តិច ដែលនេះហើយជាហេតុផល បន្ទះឈីបនេះ មិនអាចគាំទ្រ ការថត វីដេអូដល់កម្រិត 4K 2160p។
ស្មាតហ្វូនបានបំពាក់នូវថាមពលថ្ម 2900 mAh។ អ្នកប្រើប្រាស់អាចសាកបាន 90% ដោយប្រើពេល តែ ៣០នាទីប៉ុណ្ណោះ ជាមួយនឹងដុំសាកថ្ម Huawei Magic Power។ ក្នុងនោះបើ 70% គឺប្រើពេល ២០ នាទី 40% ប្រើពេលតែ ១០នាទី ហើយអ្វីដែលពិសេស Feature នេះមិនបានធ្វើឲ្យស្មាតហ្វូនក្តៅ នោះទេ។
ស្មាតហ្វូននេះ បំពាក់នូវ Sensor ស្គែនក្រយៅដៃ នៅលើប៊ូតុង Home តែម្តង។ ក្រៅពីនេះ អ្នកក៏អាច ថែមអង្គផ្ទុកទិន្នន័យតាមរយះកាត microSD ដោយដកស៊ីមមួយចេញក៏បាន។ Huawei Honor Magic ត្រូវបានចាត់ចូលក្នុងប្រភេទម៉ូដែលស៊េរីខ្ពស់ ជាមួយនឹងតម្លៃលក់ប្រហែល ៥៣០ដុល្លារ និងត្រូវរំពឹង ថា វានឹងដាកលក់ដំបូងនៅលើទីផ្សារប្រទេសចិន នៅថ្ងៃទី២៥ ខែធ្នូ ខាងមុននេះ៕
ប្រែសម្រួល៖ មង្គលប្រភព៖ GSMArena, Genk