ម៉ូដែល Porsche 911 Carrera S ស៊េរី ២០០៨ មួយគ្រឿងប្រកាសលក់ជាផ្លូវការ ខណៈមានគេឲ្យថ្លៃត្រឹមតែ ៣២០០០ $

យានយន្ដ៖ បើនិយាយអំពីសង្គមអ្នកនិយមរថយន្ដទំនើបវិញ ម៉ូដែលផលិតផលក្រុមរថយន្ដ Porsche មិនថាស៊េរីណាមួយនោះទេ សុទ្ធសឹងទទួលបានការចាប់អារម្មណ៍ ប្រសិនជាប្រកាសពីដំណឹងលក់ ឬទិញនោះ។ យ៉ាងណាមិញ ម៉ូដែល Porsche 911 Carrera S ស៊េរីឆ្នាំ ២០០៨ មួយគ្រឿង ត្រូវបាន ដាក់លក់ លើគេហទំព័រ ដែលមានអ្នកចាប់អារម្មណ៍មិនតិចនោះទេ ជាមួយនឹងទម្រង់រូបរាង លក្ខខណ្ឌរថយន្ដ ជាពិសេសគឺតម្លៃតែម្ដង ។

ម៉ូដែល Porsche 911 Carrera S ស៊េរីឆ្នាំ ២០០៨ មួយគ្រឿងត្រូវបានប្រកាសលក់ជាផ្លូវការ ក្នុងតម្លៃដល់ទៅ ៧៧៥០០ ដុល្លារ ជាមួយនឹងលក្ខខណ្ឌរថយន្ដ ដែលបានបង្ហាញគឺនៅសភាពថ្មី ទាំងទឹកថ្នាំ ម៉ាស៊ីន និងកម្រិតសំភារៈបំពាក់ នៅថ្មីច្រើន។ ប្រភពពីគេហទំព័រ Topspeed បានចុះផ្សាយថា ម៉ូដែលត្រូវបានដាក់លក់មួយនេះ គឺមិនមានកៅអីផ្នែកខាងមុខនោះទេ ហើយក៏មិនដឹងដែរថា ជាការដកចេញ ឬមិនបានផលិតមកជាមួយ ប៉ុន្ដែផ្អែកលើ លក្ខខណ្ឌរថយន្ដ គឺនៅស្អាតច្រើន ។

សមាសភាពរថយន្ដគឺ ប្រើកម្លាំងម៉ាស៊ីន ៣.៨ Liter ពណ៌ស ប្រើសាំង ប្រើប្រអប់លេខដៃ ដែលមាន ៦លេខ និង មានទ្វារចំនួន ២ ។ យោងតាមអ្នកជំនាញការត្រួតពិនិត្យ AutoCheck Vehicle Historyម៉ូដែលមួយនេះ ឆ្លងកាត់ម្ចាស់ពីរនាក់មកហើយ។

ថ្វីត្បិតតែតម្លៃមិនទាន់មានការការធានាអះអាងថា ថ្លៃឬក៏ថោក មែន ប៉ុន្ដែក៏មាន អតិថិជនមួយរូប បង្ហាញពីសេចក្ដីមិនពេញចិត្ដ ថា រថយន្ដមួយនេះគាត់ហ៊ានឲ្យតម្លៃត្រឹមតែ ៣២០០០ ដុល្លារតែប៉ុណ្ណោះ ហើយគាត់ថែមទាំងអះអាងទៀតថា បើហ៊ានចំណាយត្រឹមតែ ៤៥០០០ ដុល្លារ គឺនឹងទទួលបានរថយន្ដថ្មីស្រឡាងជាងនេះ ។

ទស្សនារូបភាព៖