OnLeaks គឺជាគណនី Twitter របស់បុរសម្នាក់មានឈ្មោះថា Steve Hemmerstoffer ដែលល្បីឈ្មោះថា ជាអ្នកមានរូបភាពបែកធ្លាយប្រាកដប្រជាបំផុតអំពីផលិតផលបច្ចេកវិទ្យា នៅមុនពេលពួកវាមិនទាន់ត្រូវបានឧទ្ទេសនាម។
បច្ចុប្បន្ន Apple មិនអាចរក្សាអាថ៌កំបាំងបានដូចមុននោះទេ ព្រោះថា ក្រុមហ៊ុននេះ ត្រូវផលិត iPhone ក្នុងបរិមាណច្រើនដើម្បីផ្គត់ផ្គង់ទីផ្សារទូទាំងពិភពលោក ប្រការនេះហើយធ្វើឱ្យក្រុមហ៊ុនជាដៃគូ ត្រូវតែប្រញាប់ក្នុងការផលិតនូវគ្រឿងនានារបស់ស្មាតហ្វូន iPhone ដើម្បីឱ្យទាន់ពេលវេលា។នៅពេលក្រុមហ៊ុនដៃគូរបស់ Apple ត្រូវផលិតគ្រឿងអ្វីមួយ បណ្ដារូបថតស្ដីពីវា នឹងត្រូវបែកធ្លាយ។ អ្នកដែលបានបង្ហោះរូបថតទាំងនេះច្រើនជាងគេ គ្មាននរណាក្រៅពី Steve Hemmerstoffer ដែលជានិពន្ធនាយករបស់គេហទំព័រ Nowhereelse.fr ។
ថ្មីៗនេះ Steve Hemmerstoffer បានបង្ហោះរូបថតបែកធ្លាយជាច្រើននៅលើទំព័រ Twitter ដែលមានឈ្មោះថា OnLeaks។ រូបថតភាគច្រើនដែលបានបង្ហោះ គឺសុទ្ធតែជារូបពិតឧទាហរណ៍ដូចជា រូបថតស្ដីពី ទំហំរបស់ iPhone SE ឆ្នាំ ២០១៦ ឬ ទំហំរបស់ iPad Pro ឆ្នាំ ២០១៥ជាដើម។ល។
Steve Hemmerstoffer ក៏ជាម្ចាស់អត្ថបទជាច្រើន ដែលនិយាយអំពីបណ្ដារូបថតបែកធ្លាយនៃបណ្ដាស្មាតហ្វូន Android លំដាប់ខ្ពស់ ដូចជា Galaxy Note7 ផងដែរ។
កាលពីពេលថ្មីៗនេះ ទំព័រ Business Insider ក៏បានធ្វើកិច្ចសម្ភាសជាមួយ Hemmerstoffer ដើម្បីស្វែងយល់ថា តើគាត់បានរូបភាពទាំងនោះដោយវិធីណា ហើយធ្វើយ៉ាងណាដើម្បីដឹងថា វាជារូបថតពិត។ល។
-នៅពេលត្រូវបានសួរថា សំនួរដែលទាក់ទឹននឹងការប្រមូលព័ត៌មាន លោក Hemmerstoffer បានសង្ខេបថា “ដើម្បីដឹងថា ព័ត៌មានណាពិត ព័ត៌មានណាក្លែងក្លាយ អ្នកគួរតែ
-ប្រើប្រាស់ការយល់ដឹងរបស់ខ្លួន ដើម្បីសន្និដ្ឋានព័ត៌មានបែកធ្លាយ ថា តើវាត្រឹមត្រូវកម្រិតណា។
-ត្រូវតែធានាថា វាមិនមែនជារូបថតក្លែងក្លាយ ដោយធ្វើការស្វែងរកបញ្ច្រាសវិញនូវរូបថតដែលបែកធ្លាយ ពោលគឺស្វែងរកលទ្ធផលដោយប្រើរូបថតដែលសង្ស័យថាជារូបបែកធ្លាយ។
-ចុងក្រោយ ត្រូវព្យាយាមស្វែងរកប្រភពព័ត៌មាន ហើយកំណត់នូវភាពប្រាកដប្រជារបស់រូបថត ដោយការស្វែងយល់អំពីព័ត៌មានបែកធ្លាយមុនៗរបស់ប្រភពព័ត៌មាននេះ។
ខាងក្រោមគឺជាបណ្ដារូបថតបែកធ្លាយដែលត្រូវបានបង្ហោះដោយលោក Hemmerstoffer ៖
ប្រែសម្រួល ៖ បុត្រា