រូបថតទាំងឡាយរបស់នាយករដ្ឋមន្ត្រី អ៊ីតាលីលោកស៊ីលវីយ៉ូប័រលូស្កូនីនៅជាមួយពួកនារីវ័យក្មេងៗនឹង ត្រូវដាក់លក់តំលៃ១លានផោន។ក៏ប៉ុន្តែទស្សនាវដ្តីទាំងឡាយបាន បដិសេធមិនចេញផ្សាយរូបថតទាំងនោះដោយលើកហេតុផលថា រូបថតទាំងនេះយកបានមកពីផ្ទះឯកជន។ រូបថតទាំងនោះយកបានមកដោយសារការធ្វេសប្រហែសពុំមានការប្រុង ប្រយ័ត្ន។ រូបទាំងនេះយកបានពីក្នុងឌីសទាំងឡាយដែលមានស្តុកទុករូបភាព នានា។ អ្នកថតរូបភាពឱ្យលោកប័រលូស្កូនី លោក FABRIZIO CORONA និយាយថា មានគេចូលទៅលួចយករូបភាពទាំងនេះ។ យោងតាមកាសែត DAILY MAIL ថាលោក FABRIZIO CORONA ក៏បានបញ្ជាក់ដែរថា លោកគ្មានទុករូបភាពទាំងឡាយរបស់លោកប័រលូស្កូនីឡើយ។
ចំណែកឯ បណ្តាមនុស្សជំនិតរបស់លោកប័រលូស្កូនីនិយាយថា រូបភាពទាំងនេះជារូបភាពកាត់តដំឡើង។ ក្រុមនេះរបស់លោកប័រលូស្កូនីនិយាយទៀតថា នឹងដាក់ពាក្យប្តឹងដល់អាជ្ញាធរតុលាការដើម្បីបង្ការរាល់ការចេញ ផ្សាយ។ ម្យ៉ាងវិញទៀតពួកអ្នកសើុបអង្កេតបានរឹបអូសយកកុំព្យូទ័រ និងទូរស័ព្ទរបស់បណ្តានារីក្មេងៗដែលសង្ស័យថា មានទំនាក់ទំនងផ្លូវភេទជាមួយលោកប័រលូស្កូនី។ យោងតាមកាសែត TELEGRAPH ថា ពួកអ្នកស៊ើបអង្កេតបច្ចុប្បន្នកំពុងពិនិត្យខ្លឹមសារ និងរូបភាពក្នុងឧបករណ៍ទាំងនេះតាមរករូបភាព ឬវីដេអូថតក្នុងភូមិគិ្រះរបស់លោកប័រលូស្កូនី ៕
http://kohsantepheapdaily.com.kh/art...208-00172.html