មន្ត្រី នានានិយាយថា សណ្ឋាគារលំដាប់ផ្កាយ៥យ៉ាងខ្ពស់មួយនៅក្នុងទីក្រុងសេនយ៉ាង ខេត្ត Liaoning ភាគឦសានប្រទេសចិន ត្រូវអគ្គីភ័យឆាបឆេះយ៉ាងសន្ធោសន្ធៅកាលពីព្រឹកថ្ងៃទី៣ កុម្ភៈ ប៉ុន្តែសំណាងណាស់មិនបណ្តាលឱ្យមានមនុស្សស្លាប់ ឬរបួសទេ ។ តាមប្រភពព័ត៌មានថា គ្រោះអគ្គីភ័យនោះកើតឡើងនៅវេលាម៉ោង១១ព្រឹកថ្ងៃទី៣ កុម្ភៈ ហើយភ្លើងបានឆេះរាលដាលដល់អគារដែលនៅក្បែរផងដែរ ។ នៅពេលត្រូវភ្លើងឆេះមានមនុស្ស៥០នាក់ កំពុងស្នាក់នៅក្នុងសណ្ឋាគារនេះ ប៉ុន្តែពុំមានស្លាប់ ឬរបួសទេ ដោយត្រូវជំលៀសចេញទាន់ពេល ។
មន្ត្រីការិយាល័យសន្តិសុខ សាធារណៈក្រុងសេនយ៉ាង បានប្រាប់ទីភ្នាក់ងារសារព័ត៌មានស៊ីនហួថា គ្រោះអគ្គីភ័យនោះត្រូវគ្រប់គ្រងបានក្រោយពីឆេះរយៈពេលជិតកន្លះម៉ោង ។
ប៉ូលិសនិយាយថា គ្រោះអគ្គីភ័យនោះកើតឡើងដោយសារការដុតផាវ ដែលដំបូងបង្កឱ្យមានអណ្តាតភ្លើងឆេះជញ្ជាំងអគារសណ្ឋាគារនោះ។ ក្រោយពីកើតមានគ្រោះអគ្គីភ័យការផ្គត់ផ្គង់ថាមពលក្នុងសណ្ឋាគារ ត្រូវកាត់ផ្តាច់៕
http://kohsantepheapdaily.com.kh/art...03-020052.html