យោងតាមពួកអ្នករៀបចំថា គូស្នេហ៍ប្រមាណ ជា៣.៦០០គូបានរៀបការដំណាលគ្នាកាលពីថ្ងៃទី២ កុម្ភៈ នៅភាគខាងលិចឥណ្ឌាក្នុងឱកាសនៃពិធីរៀបការបែបពហុសាសនាមួយ ដែលសំដៅទាក់ទាញការយកចិត្តទុកដាក់ដល់សភាពការណ៍របស់បណ្តា ប្រជាកសិករដែលជំពាក់បំណុលគេ ។
ក្នុងពិធីរៀបការនោះរួមមាន គូស្នេហ៍ហិណ្ឌូ ២.៤៣៣គូ គូស្នេហ៍អ៊ិស្លាម១៥០គូ និងគូស្នេហ៍ជាអ្នកកាន់ព្រះពុទ្ធសាសនា៧៤៩គូ ។ ក្រៅពីនោះមានពួកគ្រឹស្ត១៥គូ និងពួកកុលសម្ព័ន្ធ២៥២គូ ។ ពិធីរៀបការរួមគ្នាពហុសាសនានេះធ្វើឡើងនៅកណ្តាលវាល ក្នុងទីក្រុងអាមរ៉ាវ៉ាទី ស្ថិតនៅចំងាយ១៥០គីឡូម៉ែត្រ ពីទីក្រុង NAGPUR រដ្ឋមហារ៉ាស្ត្រា ។
ការរៀបការជាសមូហ ភាពច្រើនគូរួមគ្នា នៅឥណ្ឌាតែងកើតមានជារឿយៗ ទោះបីជាចំនួនគូស្នេហ៍មិនមានច្រើនដូចការរៀបការរួមគ្នា កាលពីថ្ងៃទី២ កុម្ភៈ ក៏ដោយ ។ ការរៀបការរួមគ្នាបែបនេះជាទូទៅច្រើនជាគូស្នេហ៍ក្នុងមជ្ឈ ដ្ឋានជនបទ ដើម្បីកាត់បន្ថយការចំណាយក្នុងការរៀបការ ៕
http://kohsantepheapdaily.com.kh/art...03-000254.html