ដូចសភាជាន់ទាបដែរ ព្រឹទ្ធសភាអាមេរិកបានសំរេចកាលពីថ្ងៃទី១៨ ធ្នូ តាមរយៈការបោះឆ្នោតមួយលុបចោលច្បាប់ដែលហាមឃាត់ប្រឆាំងពួកអ្នករួមភេទដូចគ្នា ចូលក្នុងជួរកងទ័ពដែលច្បាប់នេះ បង្កើតឡើងការសម័យលោកប៊ីល គ្លីនតុន ធ្វើប្រធានាធិបតី ។ ក្រោយការអនុម័តរបស់ព្រឹទ្ធសភាច្បាប់នេះនឹងត្រូវលុបចោលក្រោយការចុះហត្ថលេខារបស់ប្រធានាធិប តី លោកបារ៉ាក់ អូបាម៉ា ។
កាលពីឆ្នាំ១៩៩៣ ប្រធានាធិបតីសម័យកាលនោះ លោកប៊ីល គ្លីនតុន បានលើកឡើងពីច្បាប់មួយហៅថា ច្បាប់ “DON’T ASK, DON’T TELL ” (មិនសួរ មិននិយាយ) ដែលហាមឃាត់ពួកអ្នករួមភេទដូចគ្នា មិនឱ្យចូលបំរើក្នុងកងទ័ពដោយចំហ ។ នយោបាយនេះជាកម្មវត្ថុ នៃការរិះគន់របស់បណ្តាក្រុមទាមទារសិទ្ធិរបស់ពួកអ្នករួមភេទដូចគ្នាដែលយល់ថា ច្បាប់នេះរំលោភបំពាន សេរីភាពនៃការបញ្ចេញមតិ ហើយសមាគម យោធារួមភេទដូចគ្នា ក៏រិះគន់ ឬទាមទារឱ្យលុបចោលច្បាប់នេះវិញដែរ ៕