នាយករដ្ឋមន្ត្រីថៃ លោកអាប់ភីស៊ីត វ៉េចាជីវ៉ា ថ្លែងកាលពីថ្ងៃទី២៦ ធ្នូ ថា លោកគ្រោងរៀបចំការបោះឆ្នោតមុនកាលកំណត់មួយនាឆ្នាំខាងមុខនេះ ដើម្បីសំរាលភាពតានតឹងខាងនយោបាយដែលកើតមានក្នុងប្រទេស ។#ក្នុងសុន្ទរកថាប្រចាំសប្តាហ៍មួយតាមទូរទស្សន៍ លោកអាប់ភីស៊ីត ថ្លែងថា មធ្យោបាយដែលនាំឱ្យអ្វីៗវិលទៅរកភាពធម្មតាឡើងវិញ គឺការបោះឆ្នោតថ្មីមួយ ។ លោកពុំបានលើកឡើងពីកាលបរិច្ឆេទសំរាប់ការបោះឆ្នោតនេះឡើយ ដោយគ្រាន់តែលើកឡើងថា អាចធ្វើនាឆមាសទីមួយឆ្នាំ២០១១ ។#នាយករដ្ឋមន្ត្រីថៃបានថ្លែងជាញឹកញាប់ថា ការបោះឆ្នោតទូទៅអាចរៀបចំធ្វើក្រោយអនុម័ត ការកែទំរង់រដ្ឋធម្មនុញ្ញ ដែលនោះនឹងជាភារកិច្ចដំបូងគេរបស់សភាថៃក្នុងឆ្នាំ២០១១៕