ព័ត៌មានអន្តរជាតិ ៖ ក្រុមមន្រ្តីប៉ូលីស ប្រទេសប្រេស៊ីល ក៏កំពុងតែតាមដានស៊ើបអង្កេត ដើ ម្បីឈានទៅដល់ការចាប់ឃាត់ខ្លួន និងសាកសួរស្រ្តីជាម្តាយ បន្ទាប់ពីនាងបានបង្ហោះ ថាចង់ លក់កូនតូចរបស់ខ្លួន ជាថ្នូរនឹងសាច់ប្រាក់ ជិត ៤៥០ ដុល្លារ នេះបើយោងតាមការដកស្រង់ អត្ថបទផ្សាយ ពីគេហទំព័រសារព័ត៌មានបរទេស ស្កាយ ។
គួររំឭកផងដែរថា ករណីប្រកាសលក់កូនជាសាធារណៈមួយនេះ ត្រូវបានគេប្រទះឃើញនៅ លើគេហទំព័រអនឡាញ ទិញ និងលក់ របស់ប្រទេស ប្រេស៊ីល OLX ។ ដោយឡែក បើតាម ការរៀបរាប់អោយដឹង ជាមួយនឹងការបង្ហោះឡើង ក្នុងគោលបំណងចង់លក់កូនតូចរបស់ ខ្លួននោះ ស្រ្តីជាម្តាយ បានអះអាង អោយដឹងថា នាងខ្ញុំត្រូវទៅធ្វើការ ដូច្នេះខ្ញុំពិតជាត្រូវការ សម្រាក ដោយឡែក កូនតូចនេះ យំខ្លាំងណាស់។
លើសពីនេះទៅទៀត ប្រភពសារព័ត៌មានដដែលបន្ថែមថា មិនដល់រយៈពេល ២៤ ម៉ោង ស្រួលបួល រូបថតបង្ហោះ ដោយបញ្ជាក់ព័ត៌មានលម្អិតចង់លក់កូននោះ ត្រូវបានគេលុប ចេញពីគេហទំព័រ ពោលគឺ អ្នកគ្រប់គ្រងទំព័រតែម្តង ធ្វើការលុបចេញ ខណៈវាខុសទៅនឹង ច្បាប់ ក៏ដូចជានិតិវិធីផ្លូវការ។
យ៉ាងណាមិញ លោក Marcela Orçai ជាអ្នកជំនាញប្រឆាំងបទល្មើសទាក់ទិននឹងកុមារ ក៏កំពុងតែធ្វើការតាមដានស៊ើបអង្កេត ដើម្បីឈានទៅដល់ការកំណត់អត្តសញ្ញាណ និង នាំខ្លួនយកមកសាកសួរ តែព័ត៌មានលម្អិតរួមទាំងលេខទូរស័ព្ទដែលបង្ហោះជាមួយនឹង កូនតូចនោះ មិនមានអ្នកឆ្លើយតបនោះទេ៕
* ព័ត៌មានអន្តរជាតិ ដ៏គួរអោយចាប់អារម្មណ៍ផ្សេងទៀត មាននៅខាងក្រោម ៖
- សំណាងហួស ក្មេងស្រីតូច ធ្លាក់ពីជាន់ទី ៦ មិនខ្ចីស្លាប់- រងរបួស ៣ នាក់ ក្រោយមានការផ្ទុះអាវុធ បាញ់គ្រាប់ពិត នៅក្នុងវិទ្យាល័យ- ប្រមាញ់បានរូបថត ជនសង្ស័យ នាំយកក្រពើ បង្អើល ពេញអាកាសយានដ្ឋាន- ឃាតករចិត្តឆើត ឈ្មោះ ហៃយ៉ាន់ បន្តសម្លាប់ មនុស្ស ១៣ នាក់ទៀត នៅទឹកដី អាស៊ី
ប្រែសម្រួល ៖ កុសល ប្រភព ៖ ស្កាយ