ថ្មីៗនេះ Oppo បានបង្ហាញនៅលើ Facebook ផ្លូវការរបស់ខ្លួនថា ឥឡូវនេះ Find 5 មានបន្ថែមVersion 32 GB មួយទៀតពីលើ Version 16 GB ដែលកំពុងដាក់លក់លើទីផ្សារបច្ចុប្បន្ន ដែលនឹងដាក់លក់ក្នុងតំលៃ 569 USD។
សព្វថ្ងៃនេះ ស្មាតហ្វូនប្រើ Android 4.1 ជាមួយអេក្រង់ 5 Full-HD របស់ Oppo មានតែ Version16GB តែមួយទេ ដែលកំពុងដាក់លក់ក្នុងតំលៃ 499 USD។ ពេលនេះ លោកអ្នកគ្រាន់តែថែមលុយតែ 70 USD ប៉ុណ្ណោះ នោះលោកអ្នកនឹងទទួលបានស្មាតហ្វូន Find 5 មានមេម៉ូរីច្រើនជាងមុនដល់ទៅពីរដង ពោលគឺ 32 GB។ ទន្ទឹមនឹងនោះ Oppo ក៏បានពង្រីកដាក់លក់លើទីផ្សារមួយចំនួនថែមទៀតផងដែរនៅថ្ងៃខាងមុខ ដែលក្នុងនោះរួមមាន៖ កាណាដា, អង់គ្លេស, អេស្បាញ, អូស្រ្តាលី, អាឡឺម៉ង់, បារាំង, ម៉ាឡេស៊ី, ស្វីស, សាំងហ្គាពួរ, ហ្វាំងឡង់, ក្រិច, ញូហ្សេលេន, ជប៉ុន,ហុងកុង, ណរវែល។
លក្ខណៈពិសេសៗមួយចំនួននៃស្មាតហ្វូន Oppo Find 5:
> អេក្រង់ Full-HD 5 > CPU 1.5Ghz Quad Core Snapdragon APQ8064> RAM 2GB> សំបកធ្វើពីអាលុយមីញ៉ូម មានកម្រាស់ 8,8mm> Camera 13MP sensor BSI របស់ Sony> ថ្ម 2500mAh> ប្រព័ន្ធប្រតិបត្តិការ Android 4.1> មេម៉ូរីក្នុង 16/32GB
ដោយ៖ សិលាប្រភព៖ TTE