ទាហានអូតង់២នាក់ស្លាប់កាលពីថ្ងៃទី២៨ ធ្នូ នៅភាគខាងត្បូងអាហ្វហ្គានីស្ថានដែលធ្វើឱ្យចំនួនទាហានបរទេសស្លាប់ក្នុងប្រទេសនេះឡើងដល់ ជាង៧០០នាក់ ក្នុងឆ្នាំ២០១០ ជាឆ្នាំដែលកងទ័ពចំរុះទទួលការបាត់បង់មនុស្សច្រើនបំផុតពុំធ្លាប់មានតាំងពីចាប់ផ្ត ើមជម្លោះមក ។ ក្នុងសេចក្តីប្រកាសមួយ អង្គការអូតង់រាយការណ៍ថា ទាហាន២នាក់របស់ខ្លួនបានស្លាប់ក្នុងការផ្ទុះគ្រាប់បែកលាក់នៅតាមចិញ្ចើមថ្នល់ តែដោយពុំបញ្ជាក់ឱ្យច្បាស់ជាងនេះទៀតឡើយ ។
យោងតាមការកត់សំគាល់របស់ AP ឱ្យដឹងថា ការស្លាប់ទាហានអូតង់២នាក់នេះទៀត ធ្វើឱ្យចំនួនទាហានបរទេសស្លាប់នៅអាហ្វហ្គានីស្ថានក្នុងឆ្នាំ២០១០នេះ ឡើងដល់លើសពី៧០០នាក់ ។ ឆ្នាំ២០១០ ជាឆ្នាំដែលទាហានបរទេសស្លាប់ច្រើននៅអាហ្វហ្គានីស្ថានពុំធ្លាប់មានចាប់តាំងពីឆ្នាំ ២០០៩មក ដោយក្នុងឆ្នាំ២០០៩ នោះទាហានបរទេសស្លាប់នៅអាហ្វហ្គានីស្ថានមាន៥០៤នាក់ ៕