ការផ្ទុះថង់មួយដែលគេរៀបចំជាមុន ក្នុងរថយន្តបឺសមួយគ្រឿង ដែលធ្វើដំណើរទៅកាន់ទីក្រុងកាមប៉ាឡា រដ្ឋធានីអ៊ូហ្គង់ដា បណ្តាលឱ្យមនុស្សស្លាប់យ៉ាងតិច២នាក់ និងរបួស២៦នាក់ កាលពីថ្ងៃទី២០ ធ្នូ នៅទីក្រុងណៃរ៉ូប៊ី រដ្ឋធានីកេនយ៉ា ។ ប៉ូលិសកេនយ៉ាសង្ស័យថា នេះជាការវាយប្រហារភេរវកម្មមួយ ។#នាថ្ងៃនោះភ្នាក់ងារសន្តិសុខអ៊ូហ្គង់ដានិយាយថា ប្រទេសនេះស្ថិតក្នុងសភាពប្រកាសអាសន្នបន្ទាប់ពីព័ត៌មានទាំងឡាយ ដែលថា បណ្តាក្រុមដែលមានទំនាក់ទំនងជាមួយអាល់កៃដាអាចរៀបចំការវាយប្រហារភេរវកម្មនៅអ៊ូហ្គង ់ដា ឱកាសបុណ្យដំណាច់ឆ្នាំ ។#ប៉ូលិសនិយាយថា អ្នកស្លាប់ម្នាក់ប្រហែលជាស្ថិតក្នុងក្រុមមនុស្សដែលរៀបចំដាក់ក្នុងរថយន្តនេះនូវថង់ ដែលមានលាក់គ្រឿងផ្ទុះ ។ អ្នករងគ្រោះទី២ស្លាប់ពេលបញ្ជូនទៅមន្ទីរពេទ្យដែលទទួលព្យាបាលអ្នករបួស២៦នាក់ ។#កាលពីថ្ងៃទី៣ ធ្នូ កន្លងមកនេះ ពួកជនមិនស្គាល់មុខបានបាញ់សំលាប់ប៉ូលិសកេនយ៉ា៣នាក់ នៅទីក្រុងណៃរ៉ូប៊ី ក្នុងការវាយប្រហារដាច់ដោយឡែកពីគ្នា២៕