តូយ៉ូតាដែលជាក្រុមហ៊ុនផលិតរថយន្តនាំមុខគេនៅលើពិភពលោក បានយល់ព្រមបង់ប្រាក់ពិន័យ៣២លានដុល្លារអាេមរិក ក្រោយពីការស៊ើបអង្កេតសហព័ន្ធចំនួន២ បានរកឃើញថា ក្រុមហ៊ុននេះមានទោសកំហុសចំពោះការដោះស្រាយរបស់ខ្លួនលើការប្រមូលរថយន្តកាលពីពេលថ្មីៗក ន្លងមក ។ នេះបើតាមការប្រកាសឱ្យដឹងដោយក្រសួងដឹកជញ្ជូនសហរដ្ឋអាមេរិក កាលពីព្រឹកថ្ងៃទី២១ ធ្នូ ។#ក្នុងការពិន័យលើក្រុមហ៊ុនតូយ៉ូតានោះត្រូវបានចែកចេញជាពីរករណីគឺមួយករណីត្រូវពិន័យ ជាប្រាក់ចំនួន១៦,៣៧៥លានដុល្លារ និងមួយករណីទៀតពិន័យជាប្រាក់១៦,០៥លានដុល្លារ ។#ការពិន័យនេះធ្វើឡើងចំពេលកំពុងមានការស៊ើបអង្កេតជាបន្តបន្ទាប់ថា ក្រុមហ៊ុនតូយ៉ូតាមិនគោរពតាមតំរូវការសហព័ន្ធទាក់ទិនទៅនឹងបញ្ហាសុវត្ថិភាព ។#រដ្ឋមន្ត្រីដឹកជញ្ជូនអាមេរិក លោក Ray Lahood អបអរចំពោះដំណោះស្រាយនោះដោយលោកថ្លែងថា ក្រុមហ៊ុនតូយ៉ូតា នឹងធ្វើការប្រកបដោយកិច្ចសហប្រតិបត្តិការនាពេលអនាគត ដើម្បីធានាសុវត្ថិភាពសំរាប់អតិថិជនរបស់ខ្លួន ។ #លោក Steve Angelo មន្ត្រីផ្នែកគុណភាពរបស់ក្រុមហ៊ុនតូយ៉ូតានិយាយថា ក្រុមហ៊ុនរបស់លោកមានភាពរីករាយណាស់ ដែលបញ្ហាផ្នែកច្បាប់ទាក់ទិននឹងក្រុមហ៊ុនត្រូវបានដោះស្រាយ។#ពាក្យបណ្តឹងប្រឆាំងក្រុមហ៊ុនតូយ៉ ូតានោះ ជាវិធានការរដ្ឋប្បវេណីធំបំផុតដំបូងគេរបស់សហរដ្ឋអាមេរិកចាប់តាំងពីក្រុមហ៊ុនតូយ៉ូតាបាន ប្រមូលរថយន្តជាច្រើនលានគ្រឿងដោយសារបញ្ហាហ្គារ និងប្រព័ន្ធហ្វ្រាំង ៕
