នៅក្នុងជំនួបរវាងក្រុម Real Madrid និង Galatasaray យប់មិញនេះ អ្នកគាំទ្ររបស់ Ronaldoបានធ្វើអោយ Ronaldo មានកំលាំងកាយកំលាំងចិត្តជាខ្លាំង ដោយសារតែការស្រឡាញ់របស់អ្នកគាំទ្ររបស់ខ្លួន ។
យប់មិញនេះ អ្នកគាំទ្ររបស់ Ronaldo បានប្រមូលផ្តុំគ្នា ចូលរួមទស្សនាការប្រកួតបាល់ទាត់រវាង Real Madrid និង Galatasaray ដែលធ្វើឡើងនៅទឹកដី Bernabeu របស់ Real Madrid ។អ្វីដែលគួរអោយសោកស្តាយនោះគឺ Ronaldo មានរបួសមិនបានចូលលេងឡើយ តែយ៉ាងណាក្តីពេលដែលឃើញរូបថត ដែលអ្នកគាំទ្រ ធ្វើបដាយ៉ាងធំមួយដោយមានរូបខ្លួននៅលើនោះហើយថែមទាំងមានអ្នកគាំទ្រ ពាក់មុខ Ronaldo ជាច្រើនទៀត ធ្វើអោយ Ronaldo រំភើបចិត្តជាខ្លាំង ។
Ronaldo ក៏បានបង្ហាញសេចក្តីសប្បាយរីករាយ និងថ្លែងអំណរគុណ ទៅកាន់អ្នកគាំទ្ររបស់ខ្លួនតាមបណ្តាញ Facebook ផ្ទាល់តែម្តង ។ គួរបញ្ជាក់ផងដែរថា មុខរបស់ Ronaldo ត្រូវបានអ្នកគាំទ្រពាក់មានចំនួនរហូតដល់ទៅ ៤៥០០០ នាក់ឯណោះ ៕
ប្រែសម្រួល ៖ កុសលប្រភព ៖ k14