រដ្ឋាភិបាលបារាំងអះអាងថា ជនជាតិបារាំង១៥.០០០នាក់រស់នៅប្រទេសកូដឌីវ័រពុំរងការគំរាមកំហែងឡើយ ក៏ប៉ុន្តែបានអំពាវនាវដល់ពួកអ្នកដែលអាចចាកចេញពីប្រទេសនេះចាកចេញសិនរង់ចាំឱ្យសភាពការ ណ៍វិលមកមានប្រក្រតីភាពឡើងវិញ។ អាល្លឺម៉ង់ក៏ស្នើដល់ពលរដ្ឋរបស់ខ្លួនឱ្យចាកចេញពីកូដឌីវ័រដែរ។#អ្នកនាំពាក្យរបស់រដ្ឋា ភិបាលបារាំង លោកហ្វ្រង់ស្វ័រ ប៉ារូអ៊ីន ថ្លែងថា សំរាប់ពេលនេះការចាកចេញគឺជាវិធានការបង្ការ និងប្រុងប្រយ័ត្នមួយ។ ដោយព្រួយបារម្ភចំពោះការក្រឡាប់ចាក់នៃព្រឹត្តិការណ៍នៅកូដឌីវ័រ រដ្ឋាភិបាលបារាំងស្នើកាលពីព្រឹកថ្ងៃទី២២ ធ្នូ ដល់បណ្តាជនជាតិបារាំងឱ្យចាកចេញពីប្រទេសកូដឌីវ័របណ្តោះអាសន្នសិន។ អ្នកនាំពាក្យរូបនេះក៏ណែនាំផងដែរដល់ប្រជាជនឱ្យកែប្រែគំរោងធ្វើដំណើរទៅកាន់កូដឌីវ័រ ដោយលើកឡើងពីការព្រួយបារម្ភចំពោះសភាពការណ៍ក្នុងប្រទេសនេះ។ ការសំរេចចិត្តនេះធ្វើឡើង បន្ទាប់ពីកិច្ចប្រជុំមួយរបស់ប្រធានាធិបតី លោកនីកូឡាស់ សាកូហ្ស៊ី ជាមួយនាយករដ្ឋមន្ត្រី លោកហ្វ្រង់ស្វ័រ ហ្វីលឡូន រដ្ឋមន្ត្រីការបរទេសលោកស្រីមីសែល អាល់លីយ៉ូត ម៉ារី រដ្ឋមន្ត្រីការពារប្រទេស លោកអាឡាំង ហ្សុ៊បប៉េ និងនាយសេនាធិការកងទ័ព ឧត្តមនាវី អេឌូអាដ ហ្គីលឡូដ។#វិបត្តិមានការកើនឡើងកាលពីថ្ងៃទី២២ ធ្នូ នៅកូដឌីវ័រដោយលោកហ្គីយ៉ូម សូរ៉ូ នាយករដ្ឋមន្ត្រីរបស់លោកអាឡាស់សាន អ៊ូអាតារ៉ា អំពាវនាវដល់ក្រុមប្រឹក្សាសន្តិសុខអ.ស.បឱ្យគ្រោងប្រើកំលាំងបង្ខំឱ្យប្រធានាធិបតីចប់អាណត្ តិ លោកឡូរ៉ង់ ហ្សេបាបូ ចាកចេញពីអំណាច។#ចំណែកប្រធានធនាគារពិភពលោក លោកROBERT ZOELLICK វិញប្រកាសថា ស្ថាប័ននេះផ្អាកការផ្តល់ប្រាក់ដល់កូដឌីវ័រ ខណៈដែលបណ្តាប្រទេសអាហ្វ្រិកខាងលិចត្រូវពង្រឹងនាសប្តាហ៍នេះនូវទណ្ឌកម្មសេដ្ឋកិច្ចរបស់ ពួកគេប្រឆាំងប្រទេសនោះ ៕