ក្រុមប្រឹក្សាសន្តិសុខអ.ស.បបានផ្តល់ការយល់ព្រមកាលពីថ្ងៃទី២២ ធ្នូ ចំពោះការបង្កើនចំនួនកងកំលាំងថែរក្សាសន្តិភាពរបស់សហភាពអាហ្វ្រិកនៅសូម៉ាលី AMISOM ដែលក្នុងប្រទេសនេះកងទ័ពរដ្ឋាភិបាលកំពុងតែប្រយុទ្ធជាមួយពួកឧទ្ទាមអ៊ិស្លាម ។# AMISOM ដែលរួមមានកងទាហានរបស់អ៊ូហ្គង់ដា និងប៊ូរុនឌី ហើយដែលទទួលអាណត្តិរបស់ក្រុមប្រឹក្សាសន្តិសុខអ.ស.បនឹងបង្កើនចំនួនពី៨.០០០នាក់ដល់១.២០០០ នាក់ ដោយប្រទេសអ៊ូហ្គង់ដានឹងផ្តល់កំលាំងបន្ថែមនេះ ។បណ្តាប្រទេសអាហ្វ្រិកចង់បង្កើនចំនួនទាហានក្នុងកងកំលាំងសហភាពអាហ្វ្រិកនៅសូម៉ាលីឱ្យដល ់២០.០០០នាក់ ក៏ប៉ុន្តែក្រុមប្រឹក្សាសន្តិសុខអ.ស.បយល់ថា នេះជាការបង្កើនចំនួនច្រើនជ្រុលពេក ។ ការចំណាយសំរាប់ AMISOM មួយផ្នែកធំជួយដោយសហគមន៍អន្តរជាតិ ។# ដំណោះស្រាយអនុម័តកាលពីថ្ងៃទី២២ ធ្នូ ដោយក្រុមប្រឹក្សាសន្តិសុខអ.ស.ប ពន្យារអាណត្តិរបស់ AMISOM រហូតដល់ថ្ងៃទី៣០ កញ្ញា ២០១១ ដោយអាណត្តិនេះត្រូវផុតនាថ្ងៃទី២១ មករា ខាងមុខនេះ ។ ដំណោះស្រាយនោះក៏ស្នើផងដែរដល់អគ្គលេខាធិការអ.ស.បលោកបាន គីមូន ឱ្យបន្តជួយដល់កងកំលាំងអាហ្វ្រិកដាក់ពង្រាយនៅសូម៉ាលី ។ ដំណោះស្រាយនោះស្នើដល់បណ្តារដ្ឋជាសមាជិកអ.ស.ប និងបណ្តាអង្គការអន្តរជាតិឱ្យចូលរួមវិភាគបានដោយសប្បុរសនិងឆាប់រហ័សដល់មូលនិធិមួយរបស់ អ.ស.បសំរាប់ជួយទ្រទ្រង់ដល់ AMISOM ៕