ក្រុមរណសិរ្សបង្រួបបង្រួម ដើម្បីលទ្ធិប្រជាធិបតេយ្យប្រឆាំងភាពផ្តាច់ការ ហៅក្រុមអាវក្រហម កាលពីថ្ងៃទី១៩ ធ្នូ កន្លងមក បានប្រមូលផ្តុំគ្នានៅតំបន់ពាណិជ្ជកម្មរាជប្រាសុង ក្នុងទីក្រុងបាងកក ដើម្បីរំលឹកខួប៧ខែនៃការធ្វើបាតុកម្មប្រឆាំងរដ្ឋាភិបាលលោកអាប់ភីស៊ីត កាលពីខែមេសា និងឧសភា កន្លងមក ។#ការប្រមូលផ្តុំនោះមានអ្នកគាំទ្រអាវក្រហមជាង១០.០០០នាក់ ចូលរួមធ្វើឡើងដោយសន្តិវិធី ដើម្បីទាមទារឱ្យដោះលែងមេដឹកនាំរបស់ពួកគេ ។ ក្នុងអំឡុងពេលនៃការប្រមូលផ្តុំនោះដែរ ក្រុមអាវក្រហមបានប្រកាសច្រានចោលនូវការលេចឮព័ត៌មានដែលថា មានការបែកបាក់ក្នុងក្រុមរបស់ពួកគេ។#តាមប្រភពព័ត៌មានថា ការលេចឮពីការបែកបាក់គ្នាក្នុងក្រុមអាវក្រហមនោះកើតឡើងក្រោយពីមានការជួបគ្នារវា ងលោកនាយករដ្ឋមន្ត្រីអាប់ភីស៊ីត ជាមួយលោកស្រី Thida Thavornseth ជាមេដឹកនាំក្រុមអាវក្រហមសំខាន់មួយរូប កាលពីពេលថ្មីៗកន្លងមក។#លោកស្រី Thida ថ្លែងថា ក្រុមអាវក្រហមនឹងបង្កើនការប្រមូលផ្តុំដើម្បីដាក់សំពាធលើរដ្ឋាភិបាលលោកអាប់ភីស៊ីត ឱ្យដោះលែងមេដឹកនាំអាវក្រហម ដែលត្រូវឃុំដោយការបង់ប្រាក់ធានា ។#លោកស្រីថ្លែងទៀតថា ក្រុមអាវក្រហមនឹងប្រមូលផ្តុំគ្នានៅថ្ងៃទី១០ និងទី១៩ ជារៀងរាល់ខែ ដើម្បីរំលឹកការប៉ះទង្គិចគ្នាកាលពីថ្ងៃទី១០ មេសា និងទី១៩ ខែឧសភា កន្លងមក ៕