បណ្ដាម៉ូដែល iPhone 7s និង 7s Plus នៅតែរក្សាតម្លៃដូចកំណែមុន ប៉ុន្តែ កំណែ iPhone 8អាចនឹងមានតម្លៃ ១.២០០ដុល្លារអាមេរិក។
Apple នឹងមានការផ្លាស់ប្ដូរធំក្នុងការលក់ iPhone ចាប់ពីឆ្នាំ ២០១៧។ ម៉ូដែល iPhone 8 នឹងត្រូវបានដាក់ជាផលិតផលលំដាប់កំពូល ខណៈដែល iPhone 7s និង 7s Plus នៅរក្សាតម្លៃដូច iPhone 7 និង 7 Plus ។ ប្រភពព័ត៌មានខាងលើនេះ ត្រូវបានទទួលស្គាល់ដោយគេហទំព័រ MacOtakara និងអ្នកវិភាគ Ming-Chi Kuo របស់ KGI Securities ។
ទំព័រ MacOtakara បានឱ្យដឹងថា iPhone 7s និង 7s Plus នៅតែមានរូបរាងដូចកំណែមុន ដោយមានការផ្លាស់ប្ដូរតិចតួច។
Apple នឹងផ្លាស់ប្ដូររូបរាងចំពោះកំណែ iPhone 8 ។ Ming-Chi Kuo ឱ្យដឹងថា ម៉ូដែលនេះ នឹងមានរូបរាងថ្មីទាំងស្រុង ក្នុងនោះ វានឹងប្រើអេក្រង់ OLED ឆ្នាំសាកថ្មមិនប្រើខ្សែ ហើយប៊ូតុង Home ត្រូវបានដាក់ក្នុងអេក្រង់តែម្ដង។
iPhone 7s និង 7s Plus នឹងត្រូវបានដាក់ចូលក្នុងប្រភេទទូរស័ព្ទលំដាប់មធ្យម ប៉ុន្តែ នៅតែរក្សាតម្លៃចាប់ពី ៦៤៩ ទៅ ៩៦៩ដុល្លារ។ ម៉ូដែល iPhone 8 នឹងមានតម្លៃប្រហែល ១.២០០ដុល្លារ សម្រាប់កំណែអង្គចងចាំ 256 GB។
ក្រៅពីនេះ ប្រភពមួយចំនួនបានឱ្យដឹងថា iPhone ថ្មីបន្ទាប់ នឹងមានបន្ថែមពណ៌ក្រហមផងដែរ។
ប្រែសម្រួល ៖ តារាប្រភព ៖ forbes