មន្ត្រីនានានិយាយថា ទាហាន៣នាក់ និងពួកសកម្មប្រយុទ្ធ២៤នាក់ បានត្រូវស្លាប់ក្នុងការប៉ះទង្គិចគ្នានៅក្បែរតំបន់ព្រំដែនភាគនិរតីប្រទេសប៉ាគីស្ថាន ។ មន្ត្រីដដែលឱ្យដឹងទៀតថា យុទ្ធជនតាលីបង់ប្រហែល១៥០នាក់ បានបើកការវាយប្រហារប្រឆាំងប៉ុស្តិ៍ឆែកឆេរព្រំដែន៥កន្លែង ក្នុងសង្កាត់ Baidnami តំបន់កុលសម្ព័ន្ធភ្នំ Moh-mand កាលពីព្រឹកថ្ងៃទី២៤ ធ្នូ ។#ទោះបីជាបែបណា ពួកតាលីបង់បានជំទាស់ចំពោះចំនួនអ្នកស្លាប់ដោយពួកគេនិយាយថា ខ្លួនបានសំលាប់ទាហាន១២នាក់ ហើយយុទ្ធជនរបស់ពួកគេ២នាក់ប៉ុណ្ណោះ ស្លាប់ក្នុងការវាយប្រហារនេះ ។#អ្នកនាំពាក្យតាលីបង់និយាយថា ក្នុងការវាយប្រហារនោះ ទាហាន២នាក់ក៏ត្រូវបានចាប់ខ្លួនផងដែរ ប៉ុន្តែការអះអាងនេះត្រូវបានបដិសេធដោយមន្ត្រីសន្តិសុខ ដែលបញ្ជាក់ថា គ្មាននរណាម្នាក់ត្រូវចាប់ខ្លួនឡើយ ៕