កាសែតឌឹណេស្សិននៅថ្ងៃទី២១ ធ្នូ បានផ្សាយថា គណៈរដ្ឋមន្ត្រីថៃ នាថ្ងៃទី២១ ធ្នូ នោះបានបើកកិច្ចប្រជុំប្រចាំសប្តាហ៍របស់ខ្លួន ហើយក្នុងកិច្ចប្រជុំនោះគណៈរដ្ឋមន្ត្រីបានសំរេចឱ្យលុបចោលច្បាប់គ្រាអាសន្ននៅក្រុងបាង កក និងខេត្តចំនួន៣ទៀត ។#អ្នកនាំពាក្យស្តីទីរដ្ឋាភិបាលថៃ លោកប៉ានីថាន វឌ្ឍនាយ៉ាកន ថ្លែងថា គណៈរដ្ឋមន្ត្រីបានសំរេចឱ្យលុបចោលច្បាប់គ្រាអាសន្ន ដើម្បីប្រើប្រាស់ច្បាប់ធម្មតាត្រួតពិនិត្យ និងគ្រប់គ្រងស្ថានការណ៍ ពីព្រោះពេលនេះក្រុមប្រឆាំងហាក់ដូចជាមានការស្ងប់ស្ងាត់ហើយ ។#ចំណែកលោក Supachai Jaisamut ជាអ្នកនាំពាក្យរដ្ឋាភិបាលថៃដែរថ្លែងថា គណៈរដ្ឋមន្ត្រីបានសំរេចឱ្យមជ្ឈមណ្ឌលដោះស្រាយស្ថានការណ៍គ្រាអាសន្ន (CRES) លុបចោលច្បាប់គ្រាអាសន្ននៅក្នុងទីក្រុងបាងកក និងខេត្តចំនួន៣ ដែលនៅក្បែរគឺខេត្តនុនថាបុរី ខេត្តប៉ាធុបថានី និងខេត្តសាមុតប្រាកាន ដោយសារពេលនេះចលនាប្រឆាំងហាក់ដូចជាស្ងប់ស្ងាត់ហើយ ។#ច្បាប់គ្រាអាសន្នជាច្បាប់ពិសេសមួយរបស់ប្រទេសថៃត្រូវបានដាក់ឱ្យប្រើប្រាស់ក្នុងទីក្រ ុងបាងកក និងបណ្តាខេត្តមួយចំនួនកាលពីខែមេសា កន្លងមក ក្នុងអំឡុងពេលនៃការធ្វើបាតុកម្មប្រឆាំងរដ្ឋាភិបាល លោកអាប់ភីស៊ីត ដោយក្រុមបាតុករអាវក្រហម ៕