ប្រធានាធិបតីអ៊ីរ៉ង់ លោកម៉ាមូដ អាម៉ាឌីណឺហ្សាដ បានបរិហារកាលពីថ្ងៃទី២៣ ធ្នូ នៅទីក្រុងអ៊ីស្តង់ប៊ុល (ទួរគី) ចំពោះទណ្ឌកម្មនាពេលថ្មីៗនេះរបស់លោកខាងលិច ដោយលោកអះអាងថា ទណ្ឌកម្មទាំងនេះគ្នាប្រសិទ្ធភាពឡើយ ។#បន្ទាប់ពីចូលរួមក្នុងកិច្ចប្រជុំកំពូលលើកទី១១ របស់អង្គការកិច្ចសហប្រតិបត្តិការសេដ្ឋកិច្ច OCE ក្នុងទីក្រុងអុីស្តង់ប៊ុល លោកអាម៉ាឌី ណឺហ្សាដ ថ្លែងថា ទណ្ឌកម្មមួយចំនួនដែលដាក់នាពេលថ្មីៗនេះ ដោយក្រុមប្រឹក្សាសន្តិសុខ អ.ស.ប លើអ៊ីរ៉ង់មកពីសំណុំរឿងនុយក្លេអ៊ែរដ៏ចំរូងចំរាស់ពុំប៉ះពាល់អ្វីដល់ដំណើរការនៃការសំរេចច ិត្តរបស់យើងឡើយ ។ យើងមានស្វ័យភាព ហើយការអភិវឌ្ឍន៍សេដ្ឋកិច្ចរបស់យើងពុំពឹងលើអឺរ៉ុប ឬលើសហរដ្ឋអាមេរិកនោះទេ ។ ក្នុងផែនការសេដ្ឋកិច្ចរបស់យើង គឺយើងពុំយកចិត្តទុកដាក់ចំពោះការសំរេចចិត្តដាក់ទណ្ឌកម្មនេះឡើយ ។#ប្រធានាធិបតីអ៊ីរ៉ង់ថ្លែងថា កិច្ចប្រជុំនាពេលខាងមុខនេះ រវាងអុីរ៉ង់ និងសមាជិកអចិន្ត្រយ៍ទាំង៥របស់ក្រុមប្រឹក្សាសន្តិសុខ អ.ស.ប បូកអាល្លឺម៉ង់ ស្តីពីមហិច្ឆតានុយក្លេអ៊ែររបស់អ៊ីរ៉ង់ នឹងអាចមានផ្លែផ្កា ៕
