ប្រទេសកូរ៉េខាងត្បូងប្រកាសកាលពីថ្ងៃទី២០ ធ្នូ ពីការចាប់ផ្តើមធ្វើសមយុទ្ធយោធាបាញ់គ្រាប់ពិតដែលមានការយឺតយ៉ាវនាពេលមុននេះដោយសារមានអ ័ព្ទខ្លាំងពេក នៅក្នុងសមុទ្រលឿងក្បែរព្រំដែនជាមួយកូរ៉េខាងជើង ។# ការប្រកាសនេះបើយោងតាម CNN ថា ធ្វើឡើងតែប៉ុន្មានម៉ោងប៉ុណ្ណោះ បន្ទាប់ពីកូរ៉េខាងជើងយល់ព្រមឱ្យអ្នកធ្វើអធិការកិច្ចអ.ស.បទទួលបន្ទុកខាងត្រួតពិនិត្យកម្ មវិធីនុយក្លេអ៊ែររបស់ខ្លួនវិលត្រឡប់មកកាន់ប្រទេសនេះវិញ ដែលនោះជាសេចក្តីសំរេចចិត្តមួយប្រកាសក្នុងឱកាសនៃការជួបពិភាក្សាគ្នារវាងបណ្តាអ្នកទទួល ខុសត្រូវកូរ៉េខាងជើងជាមួយអភិបាលរដ្ឋញូវម៉ិចស៊ិកលោកប៊ីល រីឆាដ សុន ។# យោងតាមអ្នកយកព័ត៌មានរបស់ CNN លោក WOLF BLITZER ដែលអមដំណើរលោកប៊ីល រីឆាដសុន មកកាន់ក្រុងព្យុងយ៉ាងថា កូរ៉េខាងជើងបានយល់ព្រមឱ្យពួកអធិការកិច្ចអ.ស.ប វិលមកកាន់ទីតាំងនុយក្លេអ៊ែរ YONG-BYON ។ កូរ៉េខាងជើងបានដករាល់ឧបករណ៍ត្រួតពិនិត្យទីតាំង YONGBYON កាលពីខែមេសា ឆ្នាំ២០០៩ ហើយតំរូវឱ្យពួកអធិការកិច្ចនៃទីភ្នាក់ងារថាមពលបរមាណូអន្តរជាតិចាកចេញពីប្រទេសខ្លួន។ កូរ៉េខាងជើងក៏យល់ព្រមដែរ អនុញ្ញាតឱ្យបញ្ជូនទៅកាន់បរទេសនូវឧបករណ៍ដែលចាំបាច់សំរាប់ចំរាញ់អ៊ុយរ៉ានីញ៉ូម ហើយក៏យល់ស្របផងដែរ បង្កើតគណៈកម្មការមួយទទួលបន្ទុកបង្កើតទូរស័ព្ទក្រហមរវាងកូរ៉េទាំង២ និងសហរដ្ឋអាមេរិក។# អ័ព្ទក្រាស់ ធ្វើឱ្យយឺតយ៉ាវនាព្រឹកថ្ងៃទី២០ ធ្នូ ដល់ការចាប់ផ្តើមធ្វើសមយុទ្ធបាញ់គ្រាប់ពិតរបស់កូរ៉េខាងត្បូងនៅលើកោះមួយដែលទទួលរងការ បាញ់ប្រហារដោយកាំភ្លើងធំរបស់កូរ៉េខាងជើងនាពេលថ្មីៗនេះ ។ សមយុទ្ធយោធានៅកោះ YEONPYEONG ដែលញុំងឱ្យក្រុងព្យុងយ៉ាងមានកំហឹងធ្វើឱ្យមានភាពតានតឹងមានកាន់តែខ្លាំងនៅឧបទ្វីបកូរ៉េ ៕
