មេដឹកនាំប៉ុនប៉ងធ្វើរដ្ឋប្រហារនៅហ្វីលីពីន ឆ្នាំ២០០៣ លោកអង់តូ នីញ៉ូទ្រីឡាន ត្រូវបានដោះលែងពីពន្ធនាគារវិញហើយ ដោយទទួលបានការលើកលែងទោសពីប្រធានាធិបតី ។ លោកអង់តូនីញ៉ូ ជាអតីតអនុសេនីយ៍ត្រីកងនាវាចរណ៍ត្រូវបានចោទប្រកាន់ពីបទដឹកនាំការប៉ុនប៉ងធ្វើរដ្ឋប្រហារ កាលពីថ្ងៃទី២៧ កក្កដា ឆ្នាំ២០០៣ កន្លងមក ប្រឆាំងលោកស្រីប្រធានាធិបតីក្លូរៀអារ៉ូយ៉ូ ។ លោកជាមនុស្សម្នាក់ក្នុងចំណោមមនុស្ស៣០០នាក់ ដែលទាមទារឱ្យលោកស្រីអារ៉ូយ៉ូ ចុះចេញពីតំណែងពីបទចោទប្រកាន់ប្រព្រឹត្តអំពើពុករលួយ ។# លោកអត់តូនីញ៉ូ ទ្រីឡាន ត្រូវបានចាប់ខ្លួនរួចហើយ ត្រូវបានឃុំខ្លួនរយៈពេលប៉ុន្មានខែ ក្រោយពីការប៉ុនប៉ងធ្វើរដ្ឋប្រហារនោះ ប៉ុន្តែទោះបីជាត្រូវឃុំខ្លួនក៏ដោយ ក៏លោកត្រូវបានជ្រើសរើសជាព្រឹទ្ធសភាមួយរូប ហើយលោកនិយាយថា រូបលោកនឹងធ្វើជាអ្នកគាំទ្រយ៉ាងសកម្មចំពោះប្រធានាធិបតីបច្ចុប្បន្ន លោកបេននីញ៉ូ អាគីណូ ។ ក្នុងអំឡុងពេលនៃការបើកសវនាការកាត់ទោសលោកកាលពីឆ្នាំ២០០៧ កន្លងមក លោកអង់តូនីញ៉ូ បានដើរចេញពីបន្ទប់តុលាការគួរឱ្យភ្ញាក់ផ្អើលទៅកាន់សណ្ឋាគារ#មួយ ៕