ឆ្មាំជាតិរបស់វេណេហ្ស៊ុយអេឡាកាលពីថ្ងៃទី២៣ ធ្នូ បានប្រើកាណុងបាញ់ទឹក និងបាញ់គ្រាប់កៅស៊ូដើម្បីបំបែកនិស្សិតជាច្រើនរយនាក់ដែលធ្វើបាតុកម្មនៅទីក្រុងការ៉ាកា ស់ប្រឆាំងនឹងច្បាប់ថ្មីមួយដែលពង្រឹងការត្រួតត្រារបស់រដ្ឋលើបណ្តាសាកលវិទ្យាល័យ។#ច្បាប់ នោះដែលអនុម័តនាព្រឹកថ្ងៃទី២៣ ធ្នូ នោះជាច្បាប់មួយក្នុងចំណោមច្បាប់មួយចំនួនដែលដាក់ជូនសភាជាតិដើម្បីពង្រឹងបដិវត្តន៍របស់ ប្រធានាធិបតី លោកហ៊ូហ្គោឆាវេស មុនពេលចូលកាន់តំណែងក្នុងខែមករារបស់សភាថ្មី។ ពួកនិស្សិតបានតវ៉ាប្រឆាំងនឹងច្បាប់ទាំងនោះដែលផ្តល់បុព្វសិទ្ធិខ្លាំងពេកចំពោះអំណាចសាធ ារណៈស្វះស្វែងជំរុញមនោគមន៍វិជ្ជាសង្គមនិយម ហើយគាបសង្កត់លើបណ្តាសាកលវិទ្យាល័យស្វយ័ត។#កាលពីថ្ងៃទី២៣ ធ្នូ និស្សិតចំនួន៥០០នាក់បាននាំគ្នាហែក្បួនឆ្ពោះទៅកាន់ភាគកណ្តាលរដ្ឋធានី ហើយនិស្សិតមួយចំនួនលើកពាក្យស្លោកថា «យើងនឹងមិនគោរពច្បាប់របស់អ្នកឡើយ!»។ពួកបាតុករបានប៉ះទង្គិចគ្នាជាមួយបណ្តាឆ ្មាំជាតិ ដែលធ្វើឱ្យស្ទះយ៉ាងខ្លាំងដល់ចរាចរណ៍នៅតាមដងវិថីដ៏សំខាន់មួយ៕