កាលពីថ្ងៃទី២៣ ធ្នូ ក្រោយសភាអាមេរិកអនុម័តសន្ធិសញ្ញាកាត់បន្ថយអាវុធនុយក្លេអ៊ែរSTART ប្រធានាធិបតីអាមេរិក លោកបារ៉ាក់ អូបាម៉ា និងប្រធានាធិបតីរុស្ស៊ី លោកម៉េដវេដេវ បានទាក់ទងគ្នាតាមទូរស័ព្ទសំដែងការអបអរសាទរចំពោះការអនុម័តសន្ធិសញ្ញានោះ ដោយចាត់ទុកថា នេះជាដំណាក់កាលប្រវត្តិសាស្ត្រមួយ។#សភាជាន់ទាបរុស្ស៊ីចាប់ផ្តើមពីថ្ងៃទី២៤ ធ្នូ ទៅពិនិត្យសន្ធិសញ្ញាកាត់បន្ថយអាវុធនុយក្លេអ៊ែរ(START) នោះដែលចុះហត្ថលេខារវាងរុស្ស៊ី និងសហរដ្ឋអាមេរិក។ នេះជាការប្រកាសរបស់ប្រធានគណៈកម្មការកិច្ចការបរទេសរបស់សភាឌូម៉ារុស្ស៊ី។ ប្រធានគណៈកម្មការរូបនេះ លោកកុងស្តង់ទីន កូសសាតឆេវ មានប្រសាសន៍ថា ការងារពិនិត្យលើសន្ធិសញ្ញានេះត្រូវធ្វើ បន្ទាប់ពីការបើកធ្វើឡើងវិញនូវសម័យប្រជុំសភា។ លោកបូរីស ហ្គ្រីស្លូវ មនុស្សជំនិតម្នាក់នៃវិមានក្រឹមឡាំងធ្លាប់បានគូសបញ្ជាក់ថា ការបោះឆ្នោតរបស់សភាឌូម៉ារុស្ស៊ីអាចធ្វើចាប់ពីថ្ងៃទី២៤ ធ្នូ ទៅប្រសិនបើព្រឹទ្ធសភាអាមេរិកអនុម័តសន្ធិសញ្ញានោះ។ #ដោយសំលេង៧១គាំទ្រ និង២៦សំលេងប្រឆាំងព្រឹទ្ធសភាអាមេរិកបានអនុម័តកាលពីថ្ងៃទី២៣ ធ្នូ នូវសន្ធិសញ្ញា START នោះដែលចុះហត្ថលេខាកាលពីខែមេសានៅទីក្រុងប្រាក ដោយប្រធានាធិបតីអាមេរិកលោកបារ៉ាក់ អូបាម៉ា និងសមភាគីរុស្ស៊ី លោកឌីមីឌ្រី ម៉េដវេដេវ៕
