ក្រុមប្រឹក្សាសន្តិសុខអ.ស.ប កាលពីថ្ងៃទី២០ ធ្នូ បានបន្តអាណត្តិកងកំលាំងអ.ស.បនៅកូដឌីវ័ររយៈពេល៦ខែទៀតដោយផ្គើនចំពោះប្រធានាធិបតីចប់អ ាណត្តិ លោកឡូរ៉ង់ ហ្សេបាបូ ដែលទាមទារឱ្យកងកំលាំងនេះចាកចេញពីប្រទេសនោះ ហើយប្រមុខកងកំលាំងមួកខៀវនិយាយថា កងកំលាំងនោះនឹងវាយតបតវិញ ប្រសិនបើរងការវាយប្រហារ។#លោកហ្សេបាបូ ដែលបដិសេធពុំព្រមចាកចេញពីអំណាចក្រោយការបោះឆ្នោតដែលតាមសហគមន៍អន្តរជាតិថា ជ័យជំនះបានទៅលើគូប្រជែងលោក អាឡាស់កាន អ៊ូអាតារ៉ា ទទួលរងការគាបសង្កត់កាន់តែខ្លាំង ដោយសហភាពអឺរ៉ុបសំរេចរិតដ្បិតសេរីភាពក្នុងការធ្វើដំណើររបស់លោកហ្សេបាបូ និងរបស់អ្នកទទួលខុសត្រូវកូដឌីវ័រ១៨នាក់ទៀត។ សហរដ្ឋអាមេរិកក៏ឱ្យដឹងផងដែរថា ខ្លួននឹងដាក់ទណ្ឌកម្ម ព្រមទាំងរិតត្បិត ហើយបញ្ជាក់ជាថ្មីពី ការអំពាវនាវរបស់ខ្លួនឱ្យលោកហ្សេបាបូ ចាកចេញពីអំណាច។ លោក ROBERT GIBBS អ្នកនាំពាក្យរបស់សេតវិមានថ្លែងថា ដល់ពេលវេលាដែលលោកហ្សេបាបូចាកចេញហើយ។#ទោះបីជាលោកអ៊ូអាតារ៉ាទទួលការគាំទ្រពីអ.ស .ប បណ្តាមេដឹកនាំអាហ្វ្រិក ក្រុងវ៉ាសីុនតោន និងសហភាពអឺរ៉ុបក៏ដោយ តែលោកហ្សេបាបូបានត្រួតត្រាកងទ័ពក្នុងដៃដែលញាំុងឱ្យមានការភ័យខ្លាចចំពោះការវិលទៅរក សង្គ្រាមសីុវិលវិញក្នុងប្រទេស ៕