ទីភ្នាក់ងារពាក់កណ្តាលផ្លូវការអ៊ីរ៉ង់រាយការណ៍ថា មនុស្ស១១នាក់ ដែលជាប់ពាក់ព័ន្ធជាមួយពួកភេរវករបានត្រូវប្រហារជីវិតនៅក្នុងប្រទេសអ៊ីរ៉ង់ ។ មនុស្ស១១នាក់នេះត្រូវបានចោទប្រកាន់ពីបទជាប់ពាក់ព័ន្ធជាមួយក្រុម Jundollah ដែលត្រូវគេស្គាល់ថា ជាចលនាតស៊ូប្រជាជនអ៊ីរ៉ង់ ហើយភាគច្រើនក្នុងចំណោមពួកគេដើរតួនាទីយ៉ាងសំខាន់ក្នុងការសំលាប់ជនស្លូតត្រង់ជាសមាជិកកង កំលាំងសន្តិសុខអ៊ីរ៉ង់ ព្រមទាំងជាប់ពាក់ព័ន្ធជាមួយការចាប់ពង្រត់ ការរត់ពន្ធគ្រឿងញៀន និងបទឧក្រិដ្ឋផ្សេងៗទៀត។#ការប្រហារជីវិតមនុស្ស១១នាក់នេះធ្វើឡើងរយៈពេលមួយសប្តាហ៍ ក្រោយពីមានការដាក់បំផ្ទុះគ្រាប់បែកនៅបរិវេណខាងក្រៅព្រះវិហារ Imam Hussein ក្នុងទីក្រុងចាបាណា ភាគឦសានប្រទេសអ៊ីរ៉ង់ បណ្តាលឱ្យស្លាប់មនុស្ស៣២នាក់ ។#ក្រុម Jundollah ត្រូវបានសហរដ្ឋអាមេរិក ចាត់ទុកថាជា «អង្គការភេរវកម្មបរទេស» កាលពីខែវិច្ឆិកា កន្លងមក ។ ក្រុមនេះសកម្មបំផុតនៅខេត្តស៊ីស្តង់ បាលូជីស្ថាន ភាគអាគ្នេយ៍ប្រទេសអ៊ីរ៉ង់ក្បែរព្រំដែនជាមួយប្រទេសប៉ាគីស្ថាន ៕