ក្លិននៅជាប់ សំលៀកបំពាក់ ជារឿងមួយ ដ៏សំខាន់ សំរាប់មនុស្សគ្រប់រូប ព្រោះថា ក្លិនអាចធ្វើឱ្យអ្នក មានអារម្មណ៍ស្រស់ថ្លា និង រីករាយ។ ប៉ុន្តែ ក្លិនក៏អាចធ្វើឱ្យអ្នក មានអារម្មណ៍ឈឺក្បាល ផងដែរ នៅពេលដែលសំលៀកពាក់ របស់អ្នក មានក្លិនមិនល្អ។ ខាងក្រោមនេះជាវិធីងាយៗ មួយចំនួន ដើម្បីបំបាត់ ក្លិនមិនល្អ នៅជាប់សំលៀកបំពាក់ របស់អ្នក៖
១/ ប្រើកំទេចធ្យូងខ្ចប់ ក្នុងក្រណាត់ ដាក់ព្យួរក្នុងទូរខោអាវ របស់អ្នក ព្រោះវាអាច ជួយស្រូបយកក្លិនមិនល្អ ពីទូរសំលៀករបស់អ្នក។
២/ ព្យួរសំលៀកបំពាក់ ដែលអ្នកប្រើទឹកអប់ នៅមុខទូរ ព្រោះធ្វើបែបនេះ នឹងធ្វើឱ្យក្លិនទឹកអប់ ជួយបន្ថែមក្លិន ដ៏ក្រអូបប្រហើរ ទៅក្នុងទូរសំលៀកបំពាក់។ សូមធ្វើបែបនេះ តែ១ឬ ២ដង ក្នុង ១សប្តាហ៍ ដូច្នេះ ទើបវា មិនធ្វើឱ្យទូរ របស់អ្នក មានក្លិនខ្លាំងពេក។
៣/ ទិញផ្កាក្រៀម និង ស្លឹកឈើក្រៀម ដែលមានក្លិនដាក់ក្នុងទូរខោអាវ របស់អ្នក។៤/ ព្យួរសំលៀកបំពាក់ របស់អ្នក ឱ្យត្រូវខ្យល់ ប្រសិនបើអ្នក ស្លៀកសំលៀកបំពាក់នោះ ច្រើនដង មុននឹងយកវាទៅបោកអ្នកត្រូវព្យួរវាទុក ១យប់សិន មុននឹងដាក់ទៅក្នុងទូរ វិញ។៥/ ជៀសវាង ការបាញ់ក្លិនក្រអូប លើសំលៀកបំពាក់ផ្ទាល់ ព្រោះវា អាចធ្វើឱ្យមានក្លិនមិនល្អ នៅពេល ដែលសំលៀកបំពាក់របស់អ្នក ប៉ះត្រូវនឹង ក្លិនទឹកអប់ ឬ ឡេ៕
ដោយ៖ វណ្ណៈប្រភព៖ health