ព័ត៌មានអន្តរជាតិ ៖ បើតាមការអោយដឹងពីគេហទំព័រសារព័ត៌មានចិន Chinadaily ដែលបានចេញផ្សាយកាលពីម្សិលមិញនេះ បានបញ្ជាក់អោយដឹងថា ថ្មីៗនេះ ប្រទេសមហាអំណាចមួយនេះ ពោលគឺប្រទេសចិនតែម្តងបានបាញ់បង្ហោះផ្កាយរណបចំនួនពីរផ្សេងទៀត ទៅក្នុងលំហអាកាស ស្របពេលដែលវាបានដើរតួនាទីយ៉ាងសំខាន់ ក្នុងការតាមដានដំណើរគោចរណ៍ ។
គួរបញ្ជាក់ផងដែរថា ការបាញ់បង្ហោះផ្កាយរណបទាំងពីរនេះ ត្រូវបានប្រកាសកាលពីម្សិលមិញនេះនាទីក្រុងប៉េកាំង ដោយបានបញ្ជាក់ថា វាប្រព្រឹត្តិទៅបានយ៉ាងរលូន ពោលគឺ ប្រកបដោយភាពជោគជ័យតែម្តង។
លើសពីនេះទៅទៀត របាយការណ៍ដដែលបានបន្ថែមអោយដឹងផងដែរថា វាគឺជាផ្កាយរណបទី ១៤ នឹងទី ១៥ ហើយ នៃប្រព័ន្ធ Beidou ក៏ដូចជា ប្រព័ន្ធ Compass ដែលត្រូវបានបង្ហោះចូលទៅក្នុងលំហអាកាស តាមរយៈមជ្ឈមណ្ឌលបង្ហោះផ្កាយរណប Xichang ដែលស្តិតនៅក្នុងខេត្ត Sic-huan ភាគខាងលិចឆៀងត្បូងប្រទេសចិន៕
ដោយ ៖ រិទ្ធីប្រភព ៖ Chinadaily