ព័ត៌មានអន្តរជាតិ ៖ ប្រមាញ់ជាប់ បុគ្គលិកស្រីស្រស់ស្អាតម្នាក់ បំរើការនៅឯអាកាសយានដ្ឋានអន្តរជាតិ ចិន Kunming Changshui បានជះកំហឹងដោយឈ្លោះប្រកែកជាមួយនឹងភ្ញៀវ បន្ទាប់ពីទប់កំហឹងលែងជាប់ ជាមួយនឹង ភ្ញៀវឆេវឆាវរូបនោះ នេះបើយោងតាម សេចក្តីរាយការណ៍ព័ត៌មាន ដែលបានចេញផ្សាយដោយទំព័រសារព័ត៌មានបរទេស អាស៊ីវ័ន ។
គួរបញ្ជាក់ផងដែរថា អំឡុងពេលនៃការកើតមានឡើងនូវជម្លោះ ដែលបង្កជាភាពភ្ញាក់ផ្អើលមួយនេះ គេក៏ឃើញមានការគប់ទូរស័ព្ទដៃទៅកាន់ភ្ញៀវផងដែរ ។ ដោយឡែក បើយើងងាកក្រឡេកទៅមើលកាលពីអតីតវិញ ក៏មានទំព័រសារព័ត៌មានបរទេសភាគច្រើន បានចុះផ្សាយទាក់ទិនទៅនឹងអាកប្បកិរិយាមិនល្អរបស់អ្នកដំណើរ ពោលគឺ មន្រ្តីចិនម្នាក់ បានបង្កជាភាពភ្ញាក់ផ្អើលពេញអាកាសយានដ្ឋាន បន្ទាប់ពីខកជើងហោះហើរ៕
ដោយ ៖ រិទ្ធីប្រភព ៖ អាស៊ីវ័ន