សឹង្ហបុរី ៖ បើតាមការអោយដឹងពីគេហទំព័រសារព័ត៌មានបរទេស អាស៊ីវ័ន ដែលទើបតែបានចេញផ្សាយកាលពីពេលកន្លងទៅនេះ បានបញ្ជាក់អោយដឹងថា គូស្វាមីភរិយាមួយគូ បានដាក់ពាក្យចោទប្តឹង ក្រុមហ៊ុនបំរើសេវាកម្មតាមផ្ទះ បន្ទាប់ពីបានយកអ្នកបំរើស្រីមិនទាន់គ្រប់អាយុមកបំរើការ និងបានធ្វើអោយកូនស្រីកាយសប្បទាមិនគ្រប់គ្រាន់របស់ពួកគាត់ បានស្លាប់បាត់បង់ជីវិត ខណៈពេលដែលអ្នកបំរើស្រីមិនទាន់គ្រប់អាយុរូបនោះ ទម្លាក់នាងពីជាន់ទី ១៦ ។
គួរបញ្ជាក់ផងដែរថា គូស្វាមីភរិយាមួយគូនោះ មានឈ្មោះថា លោក Lee Kai Yam និងភរិយាជាប្រពន្ធមានមុខរបរជាអ្នកគិតលុយ ពួកគេទាំងពីរនាក់នោះ ជាពលរដ្ឋរស់នៅក្នុងប្រទេសសឹង្ហបុរី ។
លើសពីនេះទៅទៀត ប្រភពដដែលបន្ថែមថា បើនិយាយពីជនជាប់ចោទ ដែលជាអ្នកបំរើស្រីមិនទាន់គ្រប់អាយុវ័យ ១៦ ឆ្នាំរូបនោះវិញ មានឈ្មោះថា Nurhayati ត្រូវបានផ្តន្ទាទោសអោយជាប់ពន្ធនាគាររយៈពេល ២០ ឆ្នាំ បន្តាប់ពីនាងបានកុហកថាខ្លួនមានអាយុ ២៤ ឆ្នាំ ដើម្បីអាចចូលបំរើការងារ លុះក្រោយមក បន្ទាប់ពីមានបានចូលបំរើការងារជាអ្នកបំរើស្រី ក្នុងផ្ទះគូស្វាមីភរិយាខាងលើ ស្របពេលដែលពួកគេមានកូនស្រី មានកាយសប្បទាមិនគ្រប់ផងនោះ នាងក៏បានបោះទម្លាក់ក្មេងស្រីតូចរូបនោះ ឈ្មោះ Linda Lee Yi Lin វ័យ ១២ ឆ្នាំ ខណៈពេលដែលធុញថប់នឹងការមើលថែទាំក្មេងស្រីដែលមានកាយសប្បទាមិនគ្រប់គ្រាន់រូបនេះ៕
ដោយ ៖ រិទ្ធីប្រភព ៖ អាស៊ីវ័ន