ព័ត៌មានអន្តរជាតិ ៖ បើតាមការអោយដឹងពីទីភ្នាក់ងារសារព័ត៌មានបរទេស ដឺមីរ័រ បានអោយដឹងថា ចោរចិត្តសឿង និង ហ៊ានក្លាមួយរូប ត្រូវប្រឈមក្នុងការជាប់ពន្ធនាគារដល់ទៅ ២ ឆ្នាំបន្ទាប់ពីការចេញធ្វើសកម្មភាពលួចឆ្មក់ចូលក្នុងស្ថានីយ៍ប្រេងឥន្ទនៈមួយកន្លែង ស្របពេលដែលយកថង់ប្លាស្ទិចថ្លា មកបិទបាំងអត្តសញ្ញាណរបស់ខ្លួន។
គួរបញ្ជាក់ផងដែរថា ចោរចិត្តសឿងរូបនេះ មានឈ្មោះ Jamie Neil វ័យ ៤១ ឆ្នាំ។ ជាការពិតបើទោះជាមានការប្រកាសអាសន្ន ពីសំណាក់ក្រុមបុគ្គលិក ប្រចាំស្ថានីយ៍ប្រេងឥន្ទនៈ ក៏ចោរមួយរូបនេះ នៅតែបន្តការរត់គេចខ្លួនបាត់ដោយសុវត្ថិភាពដដែល។
តែជាអកុសល បន្ទាប់ពីមានការបញ្ជាក់អត្តសញ្ញាណ ស្របពេលដែលប្រមាញ់រូបភាពជាប់តាមរយៈកាម៉េរ៉ាសុវត្ថិភាពនោះ ចោររូបនេះ ពីរថ្ងៃក្រោយ ក៏ត្រូវបានក្របូចជាប់ដោយក្រុមមន្រ្តីប៉ូលីស។
គួររំឭកផងដែរថា ករណីចោរកម្ម ចេញធ្វើសកម្មភាពលួចឆ្មក់ចូលក្នុងស្ថានីយ៍ប្រេងឥន្ទនៈមួយកន្លែងនេះ បានកើតឡើងកាលពីពេលកន្លងទៅ ក្នុងប្រទេសអង់គ្លេស ។ យ៉ាងនាមិញបន្ទាប់ពីមានការតាមចាប់ជាប់ លោក Jamie Neil ដែលត្រូវជាចោរចិត្តសឿងរូបនេះត្រូវផ្តន្ទាទោសអោយជាប់ពន្ធនាគារដល់ទៅ ២ ឆ្នាំ កាលពីថ្ងៃសុក្រកន្លងទៅ ៕
ដោយ ៖ ពិសីប្រភព ៖ ដឺមីរ័រ