ព័ត៌មានអន្តរជាតិ ៖ បើតាមការអោយដឹងពីគេហទំព័រសារព័ត៌មានបរទេស ដែលបានចេញផ្សាយនាពេលកន្លងទៅបានថា មានឧបទ្ទេវហេតុគ្រោះថ្នាក់ធម្មជាតិមួយ បានកើតឡើងនៅឯប្រទេសនេប៉ាល់ ខណៈពេលដែលបានសម្លាប់មនុស្សដល់ទៅ ៩ នាក់។
គួរបញ្ជាក់ផងដែរថា ឧបទ្ទេវហេតុគ្រោះថ្នាក់ធម្មជាតិមួយនេះ គឺជាគ្រោះថ្នាក់រអិលបាក់ដី នឹងផ្ទាំងទឹកកកនៅលើកំពូលភ្នំមួយកន្លែង នាប្រទេសនេប៉ាល់ ស្របពេលដែលបណ្តាលអោយអ្នកឡើងភ្នំដែលជាជនជាតិបារាំងបានស្លាប់ រងរបួស នឹងច្រើននាក់ផ្សេងទៀត បន្តបាត់ខ្លួន។
លើសពីនេះទៅទៀត របាយការណ៍ដដែល ក៏បានបន្ថែមអោយដឹងផងដែរថា អ្នកឡើងភ្នំជនជាតិបារាំង៤នាក់ស្លាប់ហើយ៣នាក់ទៀត បាត់ខ្លួនក្នុងការបាក់ដី និង ទឹកកកដែលកើតមានកាលពីថ្ងៃទី២៣ កញ្ញា នៅកំពូលភ្នំនេប៉ាល់មួយដែលសម្លាប់មនុស្សសរុបយ៉ាងតិច៩នាក់ ។ សាកសពជនជាតិបារាំង ៤នាក់បានត្រូវរកឃើញហើយអ្នកឡើង ភ្នំបារាំង៣នាក់ទៀតនៅតែបាត់ខ្លួន ហើយប្រតិបត្តិការតាមរុករកនៅបន្ត ហើយអាចមានសង្ឃឹមតិចតួចណាស់ដែលអាចរកឃើញអ្នកនៅរស់រានមានជីវិតក្នុងចំណោមអ្នកបាត់ខ្លួនទាំងនោះ ។
គួររំឮកផងដែរថា ការបាក់ដីនិងទឹកកកនេះកើតមាន ត្រង់ផ្លូវធម្មតាឡើងភ្នំ MANASLU ត្រង់កំពស់៧.៤០០ម៉ែត្រ ស្របពេលដែល ភ្នំមួយនេះមានកំពស់ដល់ទៅ ៨.១៥៦ ម៉ែត្រឯណោះ៕
ដោយ ៖ រិទ្ធីប្រភព ៖ news