ព័ត៌មានអន្តរជាតិ ៖ ស្រ្តីជាម្តាយមួយរូប ត្រូវបានចាប់ឃាត់ខ្លួន បន្ទាប់ពីត្រូវបានរកអោយឃើញថា នាងបានព្យាយាមលក់កូនស្រីតូចរបស់ខ្លួន ជាថ្នូរនឹងសាច់ប្រាក់ ៤០០០ ដុល្លារ នៅលើទំព័រ ហ្វេសប៊ុក នេះបើតាមការអោយដឹងពីគេហទំព័រសារព័ត៌មានបរទេស Happe-ning ។
គួររំឭកផងដែរថា ស្រ្តីជាម្តាយរូបនោះជាពលរដ្ឋរស់នៅក្នុងរដ្ឋ Oklahoma សហរដ្ឋអាមេរិកមានឈ្មោះថា Misty Van Hornវ័យ ២២ ឆ្នាំ ត្រូវបានបញ្ជូនទៅកាន់តុលាការកាលពីល្ងាចថ្ងៃពុធ បន្ទាប់ពីក្រុមភ្នាក់ងារមានសមត្តកិច្ច តាមដាននឹងរកអោយឃើញថា នាងបានទាក់ទងជាមួយនឹងស្រ្តីម្នាក់ផ្សេងទៀត ដែលរស់នៅក្នុងតំបន់ Fort Smith តាមរយៈទំព័រហេ្វសប៊ុកក្នុងការព្យាយាមលក់កូនស្រីតូចរបស់ខ្លួន វ័យទើបតែ ១០ ខែ ជាថ្នូរនឹងសាច់ប្រាក់ ៤ពាន់ដុល្លារ។
លើសពីនេះទៅទៀត ប្រភពដដែលបានបន្ថែមថា ស្រីជាម្តាយរូបនោះ បានសរសេរសារផ្ញើទៅស្រ្តីម្នាក់ផ្សេងទៀត ដែលមានទីលំនៅនៅក្នុងតំបន់Fort Smithដោយបានបញ្ជាក់ថាគ្រាន់តែមកផ្ទះខ្ញុំមក នោះនាងនឹងទទួលបានកូនស្រីតូចវ័យ ១០ ឆ្នាំ ដោយគ្រាន់តែទុកប្រាក់ ១ពាន់ដុល្លារមកបានហើយ ហើយក៏មានជាកញ្ជប់ពិសេស បើសិនណាទទួលទិញកូនតូចវ័យ ២ ឆ្នាំម្នាក់ផ្សេងទៀត នោះតម្លៃត្រឹមតែ ៤ពាន់ដុល្លារ។
ដោយឡែក មកទល់នឹងពេលនេះ ស្រ្តីជាម្តាយចិត្តខ្មៅរូបនោះ ត្រូវបានចាប់ឃាត់ខ្លួន និងរង់ចាំការកាត់ទោសទៅតាមផ្លូវច្បាប់របស់ប្រទេសនេះ ហើយបើនិយាយពីមូលហេតុដែលធ្វើអោយនាងបែកគំនិតដល់ថ្នាក់ហ៊ានធ្វើបែបនេះ ក៏ព្រោះតែនាងចង់យកលុយទាំងនោះទៅរំដោះមិត្តប្រុសរបស់ខ្លួន ដែលកំពុងតែជាប់ពន្ធនាគារ៕
ដោយ ៖ ពិសីប្រភព ៖ Happening