ព័ត៌មានអន្តរជាតិ ៖ ក្រុមប្រជាជនជាង ១០០,០០០ នាក់ ប្រឈមនឹងការជម្លៀសចេញពីលំនៅស្ថានរបស់ខ្លួន ទៅកាន់ទីទួលមានសុវត្ថិភាព បន្ទាប់ពីមានការគំរាមគំហែងពីស្ថានភាពគ្រោះទឹកជំនន់ដ៏អាក្រក់ ដែលកំពុងបោកបក់ មកលើក្រុង Calgary នាខេត្ត Alberta ប្រទេសកាណាដា នេះបើតាមការដកស្រង់អត្ថបទផ្សាយ ពីគេហទំព័រសារព័ត៌មានបរទេសនាំមុខ CNN ដែលទើបតែបានចេញផ្សាយកាលពីប៉ុន្មានម៉ោងមុននេះបន្តិច។
ការបញ្ជានាំអោយមានការជម្លៀសប្រជាជន ធ្វើឡើងទៅលើសហគមន៍ទាំង ៦ ដែលនៅតាមបណ្តោយទន្លេ Elbow River។ លើសពីនេះទៅទៀតប្រភពសារព័ត៌មានដដែលបន្ថែមថា ផ្នែកខ្លះនៃខេត្ត Alberta អាចនឹងប្រឈមនឹងការធ្លាក់ភ្លៀង និងកំរិតទឹកជំនន់អាចនឹងមានការកើនឡើងខ្ពស់ជាងនេះ។
នាយករដ្ឋមន្រ្តីប្រទេសនេះ លោក Stephen Harper បានចេញសេចក្តីថ្លែងការណ៍ប្រកាសអោយដឹងផងដែរថា កងកម្លាំងយោធា រួមទាំង ឧទ្ធម្ភាគចក្រ ត្រូវបានដាក់ពង្រាយ ដើម្បីធានាអោយបានថា យុទ្ធនាការចេញជួយសង្រ្គោះ ត្រូវបានធ្វើឡើងទាន់ពេល និងប្រកបទៅដោយប្រសិទ្ធភាព៕
ដោយ ៖ រិទ្ធីប្រភព ៖ CNN