រថយន្ត ៖ បើតាមការអោយដឹង ពីគេហទំព័រសារព័ត៌មានបរទេស ដេលីម៉ែល ដែលបានចេញផ្សាយ នាពេលកន្លងទៅនេះ បានបញ្ជាក់អោយដឹងថា ឧស្សាហកម្មផលិតរថយន្តខ្នាតធំ (Smart) បានបញ្ជាក់អះអាងអោយដឹងថា ខ្លួនបានដាក់តាំង ក៏ដូចជា ធ្វើការបង្ហាញនូវសមិទ្ធផលស្នាដៃចុងក្រោយបង្អស់របស់ខ្លួន ទាក់ទិនទៅនឹងរថយន្ត ដែលបានបំពាក់ជាមួយនឹងបច្ចេកវិទ្យាចុងក្រោយបង្អស់របស់ពិភពលោក ស្របពេលដែលវាមានសមត្តភាពក៏ដូចជា អត្ថប្រយោជន៍ខ្ពស់ ដល់អ្នកប្រើប្រាស់។
គួររំឮកផងដែរថា រថយន្តដែលជាសមិទ្ធផលស្នាដៃថ្មីពីក្រុមហ៊ុននាំមុខវិស័យរថយន្ថ Smart នេះ ត្រូវបានដាក់ឈ្មោះអោយថា Smart Forstars ស្របពេលដែលវាទទួលបាននូវការចាប់អារម្មណ៍យ៉ាងសម្បើមក្នុងអំឡុងកម្មវិធីតាំងបង្ហាញរថយន្ត Paris Moror Show នាទីក្រុងប៉ារីស កាលពីពេលថ្មីៗនេះ។
លើសពីនេះទៅទៀត របាយការណ៍ដដែលក៏បានបញ្ជាក់បន្ថែមអោយដឹងផងដែរថា Smart Forstars គឺជារថយន្តដ៏ប្រណិតបំផុតនាយុគសម័យថ្មីនេះ ស្របពេលដែលវាត្រូវបានដំណើរដោយអគ្គីសនី ក៏ដូចជាបានបំពាក់នូវប្រដាប់បញ្ជាំងកុន (Projector) ទៅនឹងតួរថយន្តផងដែរ។
ជាមួយនឹងការបំពាក់នូវ Projector ជាប់នឹងទួរថយន្តបែបនេះ វាគឺជាភាពងាយស្រួលមួយ ដល់ម្ចាស់រថយន្តផ្ទាល់ ខណៈពេលដែលពួកគេអាចនឹងរីករាយជាមួយការទស្សនាខ្សែភាពយន្ត ក៏ដូចជាវីដេអូផ្សេងៗមួយចំនួនផ្សេងទៀត គ្រប់ទីកន្លែង តាមរយៈទូរស័ព្ទដៃស្មាតហ្វូនដោយធ្វើការ connect ជាមួយនឹង Projector ជាការស្រេច។ ដើម្បីអោយជ្រាបកាន់តែច្បាស់ថាតើ Smart Forstars គឺជារថយន្តដែលមានភាពទាក់ទាញ ក៏ដូចជាអស្ចារ្យយ៉ាងណានោះ តាមដានទស្សនានូវវីដេអូឃ្លីបខ្លីខាងក្រោមនេះបន្តិចទៅ ៖
ដោយ ៖ រិទ្ធីប្រភព ៖ Dailymail