យើងធ្លាប់តែឃើញវីដេអូ Gagnam Style របស់មនុស្សធំពេញវ័យ ថ្ងៃនេះវីដេអូមួយ បានផុសឡើងលើ Facebook ហើយត្រូវបានអ្នកប្រើប្រាស់ ចែកចាយល្បីពេញ Facebook របស់កម្ពុជា ។
អ្វីដែលធ្វើអោយគេចាប់អារម្មណ៍ ពីវីដេអូមួយនោះគឺ អ្នកសំដែងក្នុងវីដេអូនោះ សុទ្ធតែជាក្មេងៗកម្ពុជា រស់នៅសំណង់អាណាធិបតេយ្យ ដែលមានជីវភាពក្រីក្រ ។ ក្មេងៗទាំងនោះ រករបរចិញ្ចឹមជីវិត និង ជួយគ្រួសារដោយការ រើសអេតចាយ ។ Jean Luc Nguyen គឺជាអ្នកដឹកនាំសំដែងវីដេអូមួយនេះ បាននិយាយថា ក្មេងទាំងនេះចង់ទទួលបានការអប់រំ ដូចក្មេងដទៃទៀត ដូចនេះហើយទើបលោកសំរេចជួយ ធ្វើវីដេអូនេះឡើង ដើម្បីអាចទាក់ទាញ សប្បុរសធម៌ទាំងក្នុងនិងក្រៅប្រទេសជួយឧបត្ថម្ភ តាមរយៈស្នាដៃ និង ទេព្យកោសល្យរបស់ពួកគេ ។គួរបញ្ជាក់ផងដែរថា ប្រាក់ឧបត្ថម្ភទាំងនោះ និងចូលទៅកាន់អង្ការ Taramana ដែលជាអង្ការជួយកុមារៗ អោយមានកន្លែងស្នាក់នៅ ចំនីអាហារនិងការអប់រំផងដែរ ។ ដើម្បីចង់ដឹងថាក្មេងទាំងនោះសំដែងបានល្អយ៉ាងណានោះ យើងទៅទស្សនាទាំងអស់គ្នា ។ ចំណែកព័ត៌មានសំរាប់ការជួយឧបត្ថម្ភក្មេងៗទាំងនោះ សូមចុចទីនេះ ៕
ដោយ ៖ លីលីប្រភព ៖ youtube,facebook